Read Mongondow NEHEMIA 7 Bible Online

NEHEMIA 7 - Mongondow bible

NEHEMIA 7

¹Naonda in dinding tatua noḷapatdon, pinoki bambékudon in ḷoḻingkopnea mita. Bo moḷoḷukad mita kon bonawang, mododondong mita bo intau mita in Lewi in pinotabákudon nogaid kon oaidannea-oaidannea.

²Pomarentaan kon kotá in Yerusalem inogoiku kon i utatku ki Hanani bo kon i Hananya, Tongguḷu totok in tontara inta moḷukad kon benteng, sin sia in noiḻiu kon intau ibanea, moondok kon i Allah bo motaau pirisayaan.

³Pinogumanku kon i monia, “Bonawang in Yerusalem motaau bukatan táe bain mobayag bo musti ḻingkopan poḷat popobandai in bonoboinea kon dodai in moḷoḷukad mita moiḷuatdon kon wakutu monia moḷukad ḷoḷabungnea. Koḻikud intua musti tundúon in moḷoḷukad kon sigad in intau in Yerusalem, tongosilai in moḷukad kon pos mita poḷoḷukadan bo tongosilai doman in moḻibu kon ḻibumai in baḷoi monia.”

⁴Yerusalem in kotá inta moḷoben táe tongá topiḻik in intaunea, bo noyakagpa in baḷoi in inaidan.

⁵Tuamai in pinopogonú i Allah kon inakó sinbá mosipun kon rayat bo itoi mita takin guhanga mita in ḻipú, sinbá motaau iyaponku in mosia podudui in tangoi kon inanakan monia. Kon kasampatan tatua aindon nouḻíku in pinomaisan kon tangoi mita in intau inta muna-munamai nobui nongkon pinoḷumbúan. Noiduduimai naa in katarangan inta nouḻíku nongkon pinomaisan tatua:

⁶Nobayong in kon sigad in intau mita inta iḷumbú in nonaḷámai kon propinsi Babel bo nobui kon Yerusalem bo Yohuda, kon batúannea in nobui kon kotánea-kotánea. Mosia in noonggotdon in nobiag kon pinoḷumbúan kon Babel, pinangkoimai kon mosia inakut pinobayá intua saḷaku intau dinakop i Datu Nebukadnezar.

⁷Itoi mita monia in ki Zerubabel, ki Yesua, ki Nehemia, ki Azarya, ki Raamya, ki Nahamani, ki Mordekhai, ki Bilsan, ki Misperet, ki Bigwai, ki Nehum bo ki Baana.

⁸Naa in tangoi mita in inanakan motoḷuadí in Israel, takin kobayong in intau nongkon batúan in inanakan inta nobui nongkon pinoḷumbúan: Inanakan i Paros — — 2.172 Inanakan i Sepaca — — 372 Inanakan i Arakh — — 652 Inanakan i Pahat-Moab (buí i Yesua bo i Yoab) — — 2.818 Inanakan i Elam — — 1.254 Inanakan i Zatu — — 845 Inanakan i Zakai — — 760 Inanakan i Binui — — 648 Inanakan i Bebai — — 628 Inanakan i Azgad — — 2.322 Inanakan i Adonikam — — 667 Inanakan i Bigwai — — 2.067 Inanakan i Adin — — 655 Inanakan i Ater (sinangoi doman ki Hizkia) — — 98 Inanakan i Hasum — — 328 Inanakan i Bezai — — 324 Inanakan i Harip — — 112 Inanakan i Gibeon — — 95

²⁶Intau mita inta mogoguyang monia nogutun kon kotá mita inta noiduduimai naa inta nobui doman nongkon pinoḷumbúan: Kotá Betlehem bo Netopa — — 188 Anatot — — 128 Bet-Azmawet — — 42 Kiryat-Yearim, Kepira bo Beerot — — 743 Rama bo Gaba — — 621 Mikhmas — — 122 Betel bo Ai — — 123 Nebo inta ibanea — — 52 Elam inta ibanea — — 1.254 Harim — — 320 Yerikho — — 345 Lod, Hadid bo Ono — — 721 Senaa — — 3.930

³⁹Naa in tangoi in inanakan motoḷuadí in imang mita inta nobui nongkon pinoḷumbúan: Yedaya (buí i Yesua) — — 973 Imer — — 1.052 Pasyhur — — 1.247 Harim — — 1.017

⁴³Noiduduimai naa in inanakan motoḷuadí i Lewi inta nobui nongkon pinoḷumbúan: Ki Yesua bo ki Kadmiel (buí i Hodewa) — — 74 Mopogogitog mita in musik kon Baḷoi(buí i Asap) — — 148 Moḷoḷukad kon ngara kon Baḷoi(buí i Salum, i Ater, i Talmon, i Akub, i Hatita bo i Sobai) — — 138

⁴⁶Naa in tangoi mita in inanakan motoḷuadí in intau mita inta mopobayámai in oaidan kon bonu in Baḷoi TUHAN inta nobui nongkon pinoḷumbúan: Ki Ziha, ki Hasupa, ki Tabaot, Ki Keros, ki Sia, ki Padon, Ki Lebana, ki Hagaba, ki Salmai, Ki Hanan, ki Gidel, ki Gahar, Ki Reaya, ki Rezin, ki Nekoda, Ki Gazam, ki Uza, ki Paseah, Ki Besai, ki Meunim, ki Nepusim, Ki Bakbuk, ki Hakupa, ki Harhur, Ki Bazlit, ki Mehida, ki Harsa, Ki Barkos, ki Sisera, ki Temah, Ki Neziah bo ki Hatipa.

⁵⁷Inanakan in motoḷuadí in bobantung mita i Salomo inta nobui nongkon pinoḷumbúan: Ki Sotai, ki Soperet, ki Perida, Ki Yaala, ki Darkon, ki Gidel, Ki Sepaca, ki Hatil, ki Pokheret-Hazebaim, ki Amon.

⁶⁰Bayongan buí in intau mita inta mopobayámai in oaidan monia kon bonu in Baḷoi TUHAN bo bobantung mita i Salomo inta nobui nongkon pinoḷumbúan in 392 in kobayongnea.

⁶¹Kon sigad in intau mita inta nobuat nongkon kotá mita in Tel-Melah, Tel-Harsa, Kerub, Adon bo Imer, in 642 in intau inta noituot kon inanakan i Delaya, i Tobia, bo i Nekoda; táe diá in bukti inta motaau monia ogoi kon mosia in buí in bangusa Israel.

⁶³Bo oyúon doman in tongonumai in motoḷuadí in imang inta diádon nokouḻí kon pinomaisan kon tangoi in mogoguyang monia. Inanakan mita tatua in ki Habaya, ki Hakos bo ki Barzilai. (Mogoguyang tobatú in inanakan i imang Barzilai in notonibuḷoi takin bobay buí in inanakan i Barzilai kon Gilead bo onda intua sia in nomaké in tangoi in motoḷuadí i nunutonnea.) Popisí in mosia diá nokoogoi in bukti mongo ki ine in mogoguyang monia, dá diá in mosia sinarima nobaḻí imang.

⁶⁵Ki gubernur in Yohuda in diá nobogoi kon i monia mokaan kon kaanon inta pinosumba kon i Allah, noidapot in oyúon in imang tobatú inta motaau mopoigum in topotundú mopomaké in Urim bo Tumim.[13]

⁶⁶Intau mita inta iḷumbú inta nobui kon butá monia in 42.360 in kobayong monia. Koḻikud intua nobui doman in bobantung monia inta 7.337 in kobayongnea bo mododondong in 245 in intau. Mosia in nodia doman kon bobiagon monia, Kabaḷo — 736 Bagal — 245 Unta — 435 Keledai — 6.720

⁷⁰Nobayong in kon sigad in rayat in nobogoi in totuḷung sin poduḷu ponompiaan kon Baḷoi TUHAN: nongkon i gubernur: — — 8 nokilo in buḷawan — 50 in mangko upacara — 530 in jubah imang nongkon tongguḷu mita in inanakan: — — 168 nokilo in buḷawan — 1.250 nokilo in saḷaka nongkon intau mita ibanea: — — 168 nokilo in buḷawan — 140 nokilo in saḷaka — 67 in jubah imang

⁷³Imang mita, intau mita in Lewi, moḷoḷukad mita kon ngara in Baḷoi TUHAN, mododondong, nobayong in nongkon rayat biasa, mogogaid mita kon bonu in Baḷoi TUHAN, impoḷok mako in singog bayongan in rayat in Israel, nogutun notantú kon kotá mita bo ḻipú mita in Yohuda.