Read Mongondow AYUB 23 Bible Online

AYUB 23 - Mongondow bible

AYUB 23

¹Táe ki Ayub in notubag, “Akuoi in nomarow bo nogamui kon i Allah; diá in akuoi mokotahang kon roriga.

³Ah, igumon mako in kotaauanku in tampat-Nea, sinbá motaau in akuoi mayá bo moyodungkuḷ-Nea.

⁴Dá diaanku kon tayowon-Nea in pelekaraku, nongkon bibigku naa singogonku in tosingogon pomayow.

⁵Moibog in akuoi monotaau mongo onu in singogon-Nea, bo naonda in pototubag-Nea.

⁶Degá umuran in Sia mopobayá in kawasa-Nea kon inakó? Diá! Notantú bidon kon indongogan-Neabí in singogku mita.

⁷Akuoi in diábí kotaḷá bo mokobayowbí kon tayowon-Nea, dá akuoi in poniatadon kon noiḷuat[36] modapot in mononoi.

⁸Tayakonku in ki Allah kon pomukaan, kon toyopan, kon toḷatan, kon utuan, táe kon ondaka in bayáanku diábí in Sia; bo diábí nouḻíku in Sia.

¹⁰Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

¹¹Akuoi in motoinduduibí kon i-Nia takin satia; diábí kon dodai in onda in akuoi in sinumabat nongkon daḷan inta sinantú-Nea.

¹²Parenta mita i Allah umuran dinuduianku, ibog-Nea dinuduianku, bo deemanbí ibogku tontaní.

¹³Ki Allah tua in diábí mobaḷu-baḷui; diábí in mokoḷawang kon i-Nia. Sia in mopobayábí onu inta kinoibog-Nea.

¹⁴Sia in mogaidbí kon onu in tomayá-Nea kon inakó, bo koḻikud intua nobayongpabí in tomayá-Nea.

¹⁵Popisí in moondok kon i-Nia, nourot in akuoi; aka totok in raionku intua komintan, dá modugangdon in ondokku.

¹⁶Inta Totok in mokawasa nonginggamá kon bayongan in baraniku. Akuoi in moondok sin ki Allah, deemanbí popisí in sindip, umpaka sindip tua in moḻipung kon inakó, bo mogoḻingoi kon pogotku.