Read Mongondow AYUB 35 Bible Online

AYUB 35 - Mongondow bible

AYUB 35

¹Ayub, noitaḷádon in iko aka moguman in iko kon iko in diá kotaḷá kon tayowon i Allah.

³Nohilap in iko aka moḻibó, onu in pongaru in dosamu kon i-Nia; bo kauntungan onu in tarimaanmu aka iko bo diá nogaid kon dosa.

⁴Akuoi in motubag kon inimu bo kon totakinmu mita tatua.

⁵Ḷangágdon kon ḷangit bo taridiai totuu moḷantud in goḷom mita.

⁶Aka iko bo binaradosa, diábí morugi in ki Allah. Aka mobayong in taḷámu, diábí in Sia kopongaruan.

⁷Pinongin aidmu mopia, ki Allah in diábí sinuḷunganmu. Totuu, Sia in diábí moparaḷu kon onu bo onu kon inimu.

⁸Tongábí tumpaḷa intau in pinorugi in dosamu mita. Sia doman in mountung sin aidmu mopia.

⁹Intau mita inta dinorot, in kumarakbí; mosia in momaḷú mokituḷung.

¹⁰Táe deemanbí kon i Allah, inta nomaḻí kon inia inta nobogoi in kamang kon dodai in morobonod in gina,

¹¹bo inta nobogoi kon intau in raian noiḻiu kon ḷagapan mita bo biag kon dunia.

¹²Intau mita inta iroriga tatua in momaḷú, táe kibio-biómai in ki Allah sin moraat in mosia bo mokaḷakuang.

¹³Diá in baragunanea in karakan monia imibo-ibog; ki Inta Totok in mokawasa diá nokoontong andeka mokidongog kon i monia.

¹⁴Ayub, apadoman aka iko in moguman kon iko in diá nokoontong kon i-Nia, bo pelekaramu in kon tayowon-Neadon bo iko in mogoḷat mako kon i-Nia!

¹⁵Kainimukamai dá ki Allah in diábí mohukum bo diábí moindoi mako kon inta noitaḷá.

¹⁶Diábí in mangaḻe in pongingguputanmu kon tosingogonmu, nosilangdon, diábí kinotaauanmu onu in siningogmu.