Read Mongondow MAZMUR 121 Bible Online

MAZMUR 121 - Mongondow bible

MAZMUR 121

¹Dondong mayá in Baḷoi TUHAN. Akuoi in inimindoi kon buḷud mita, nongkon onda in totuḷung kon inakó?

²Totuḷungku in mamangoi nongkon i TUHAN inta nomaḻí kon ḷangit bo butá.

³Sia in diábí mopomayá mako kon inimu moḷabú, moḷoḷukadmu in umuranbí moḷukad mako.

⁴Totuubí, moḷoḷukad in Israel tua diábí kon dodai in onda in tomposiug andeka moḷoḷot.

⁵Ki TUHAN in moḷukadbí kon inimu, Sia in kon diugmubímai sin moḷukad kon inimu.

⁶Iko in diábí motakit popisí in mata in singgai kon dodai in singgai, andeka popisí in buḷan kon dodai in doḷom.

⁷Ki TUHAN in moḷukadbí kon inimu nongkon anib, Sia in moḷukad kon inimu sinbá kobiaganmu in mosaḷamat.

⁸Sia in moḷukad kon inimu kon tungkuḷ in iko mamangoi bo mayá, tanaa mako modapot in mononoi.