Read Mongondow MAZMUR 130 Bible Online

MAZMUR 130 - Mongondow bible

MAZMUR 130

¹Dondong mayá in Baḷoi i TUHAN. Nongkon bonu in irang roriga akuoi in nokuani kon ini-Mu, o TUHAN.

²TUHAN, indongogaipa kaasí in kuaniku, indongogaipa kaasí in oigumku.

³Aka umuran toropon-Mu in dosa nami, o TUHAN, ki inebí in mokotongod?

⁴Táe Iko in moibog mongampung, sinbá intau in mobaḻí motoguondok.

⁵Akuoi in mogoḷat mako kon totuḷung i TUHAN, dandi-Nea in inamangku mako.

⁶Akuoi in mokotanob kon i TUHAN, noiḻiu kon tanob in moḷoḷukad doḷom kon mobayagdon.

⁷Pongamangdon kon i TUHAN, ei umat-Nea, sin Sia in umuranbí motabi, bo umuranbí nosadia moposaḷamat.

⁸Sia in mopoḷuatbí kon i naton nongkon bayongan in taḷá naton.