Read Mongondow MAZMUR 141 Bible Online

MAZMUR 141 - Mongondow bible

MAZMUR 141

¹Mazmur i Daud. Akuoi in mokuani kon ini-Mu, o TUHAN, ḷagidon tuḷungai kaasí in akuoi! Indongogaipa kaasí in akuoi aka mokuani kon ini-Mu.

²Tarimapa in sambayangku saḷaku sosumba kamania, bo ḻimaku inta noiyopa saḷaku kuruban doḷom.

³O TUHAN, ḷukadaipa in bibigku bo taridiaidon in bibigku.

⁴Poyayúdon in akuoi kon ibog mogaid kon inta moraat. Dikabí pomayá mako in akuoi in moyokapung in intau moromú bo mongaan moyotakin kon bobutungan monia.

⁵Aka intau mopia monoboḷow kon inakó bo takin gina motuḻid mosambok kon inakó, tua in naonda bo ḷana inta totok in mopia kon inakó. Igumon mako in diá indoíonku intua, sin akuoi in umuran mosambayang monayow kon aid monia moraat.

⁶Aka mongongawasa mita monia pogonag nongkon irang mita in batu, yo akuonbí monia kon tosingogonku mita in totuubí.

⁷Tuḷan mita naton in ponangketbí kon bingkí in poḷoḷobongan naonda bo batu tobatú inta irimumud kon butá.

⁸Táe akuoi in umuranbí mongamang kon ini-Mu, o TUHAN Allahku, dikabí pomayá mako in akuoi matoi, sin akuoi in noniung kon ini-Mu.

⁹Ḷukadaidon in akuoi nongkon potait inta sinaan kon inakó, nongkon poyogaḷap in intau mita moraat tatua.

¹⁰Biódon mako mosia in moibaaḷ kon potaitnea tontaní, táe igumon mako mosaḷamat in akuoi.