Read Mongondow MAZMUR 19 Bible Online

MAZMUR 19 - Mongondow bible

MAZMUR 19

¹Kon i itoi in mododondong. Mazmur i Daud.

²Ḷangit noponiata in kamuliaan i Allah, bo baḷangon mopotaau in inta inaidan-Nea.

³Singgai inta tobatú in mopotaau intua kon singgai moiduduimai; doḷom inta tobatú mongonguman kon inta moiduduimai.

⁴Diábí in mongonguman andeka mongunsingog, diábí in singog in kodongogan.

⁵Táe kuaninea in kodongogan kon sinangkub in dunia, koyow tatua in noidapot kon popod mita in butá. Ki TUHAN in nobaḷoi kon ḷangit kon i mata in singgai,

⁶doḷo-doḷom momuká in sia naonda bo nonikaan ḷoḷaki iḻumuai nongkon gopotnea, naonda bo pahlawan inta noḷunganga in gina momangkoi kon bobayáannea.

⁷Sia in noḻibu kon ḷangit nongkon popodnea tobatú nodapot in popodnea ibanea; diábí in kotaḻiban in patúnea.

⁸Hukum i TUHAN tua in motomoman, mokosanang kon dimukud. Parenta i TUHAN motaau pirisayaan, mobogoi in hikmat kon intau inta diá kopongalaman.

⁹Atorang i TUHAN tua in noitombutung, mokosanang kon gina. Hukum i TUHAN tua in modarit, mokopomangaḻe kon intau.

¹⁰Motoguondok kon i TUHAN tua in mopiabí, moiyaputbí in mononoi. Hukum i TUHAN tua in totuubí bo moadilbí komintan.

¹¹Hukum i TUHAN in kon ḻimonikanbí in buḷawan taakan, moromi-romimitbí nongkon biluk taakan.

¹²Mogogundoi-Mu naa in bagupa inogoian in tompoingat in bayongan tatua; bungai in pinogaidan sinadia kon intau inta notoindudui kon tua.

¹³Diábí in mokomangaḻe kon kinoḷaḻeannea; TUHAN, poḷuatdon in akuoi nongkon taḷá inta noibuni.

¹⁴Poyayúdon in akuoi nongkon dosa inta sinontuon inaidan, donaai pomayá mako in akuoi kawasaannea. Dá mobaḻídon in akuoi diá in bogit, bo moiḷuatdon nongkon aid moitaḷá inta mobogat.

¹⁵Igumon mako tosingogonku mita bo raianku koibog-Mu, o TUHAN, moḷoḷukad bo mototobutku!