Read Mongondow MAZMUR 2 Bible Online

MAZMUR 2 - Mongondow bible

MAZMUR 2

¹Nongonu sin bangusa mita in momiabí kon ropatoi bo suku mita in bangusa monomayábí kon inta diá in mangaḻenea?

²Datu mita in dunia simindog moyododai bo inta mongogawasa mita moyopakat moḷawang kon i TUHAN bo datu inta piniḻí-Nea.

³Mongongawasa mita tatua in moguman, “Igai bá putoḷon naton in kawasa monia bo mogagow kon kabebasan naton!”

⁴Nongkon ḷoḻitúan pomomarentaan-Nea kon soroga ki TUHAN kinomosing bo moningkuḻe kon tomayá monia.

⁵Bo mosia in sinorúan-Nea, bo sinaḻikokogan in torú-Nea.

⁶Kai-Nia, “Kon Sion[1] buḷud-Ku inta motusi aindon dinuí-Ku datu inta piniḻí-Ku.”

⁷Guman i datu, “Akuoi in moibog mopotaau in onu inta ain sinantú i TUHAN. Guman-Nea kon inakó, ‘Iko in ki adí-Ku ḷoḷaki, singgai in naa Akuoi in nobaḻí ki Amámu.

⁸Igumdon, dá bayongan in bangusa ogoi-Kubí kon inimu, bo sinangkub in dunia baḻíon-Kudon kapunyaanmu.

⁹Mosia in putoḷonmubí in tungkud uatoi bo ḷosionmu naonda bo kuyon butá.’ ”

¹⁰Dá taridiai, ei datu mita, tano-tanobka, ei mongongawasa mita kon dunia!

¹¹Pogundoidon kon i TUHAN takin mopirisaya,

¹²Tungkudon kon tayowon-Nea takin urot,[2] dika modapot in ki TUHAN tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i TUHAN!