Read Mongondow MAZMUR 27 Bible Online

MAZMUR 27 - Mongondow bible

MAZMUR 27

¹Mazmur i Daud. Ki TUHAN in sindarku bo kasaḷamatanku, diábí in koondokku. Ki TUHAN in nobaḻí benteng pogogadopanku, diábí in akuoi mourot.

²Aka akuoi tubuon in intau moraat inta moibog moḻimod kon inakó, yo mosiabí in moipintud bo moḷabú.

³Umpakabí akuoi kopungon in tontara inta mobarong, yo diábí in akuoi moondok. Umpakabí mobaḻí in parang monayow kon inakó, akuoi in umuranbí mongamang. [19]

⁴Tongábí tobatú in igumonku kon i TUHAN, tongábí naa in koibogku: mogutun kon Baḷoi TUHAN kinoouput in kobiaganku, sin motarima kon kopopia i TUHAN bo mopoigum sinbá kapiton-Nea.

⁵Ki TUHAN in moḷukadbí kon inakó kon dodai in mororiga; binuni-Nea in akuoi kon bonu in Baḷoi-Nea, bo nodia kon inakó pinobayá kon tudu in buḷud batu.

⁶Tanaa akuoi in nountung kon musung inta kon ḻibukumai; dá takin goḷokap takin pia in gina pinosumbaku in kuruban sukur kon Baḷoi-Nea; akuoi in nodondong bo nodayow kon i TUHAN.

⁷O TUHAN, indongogaipa kaasí aka akuoi mokuani kon ini-Mu, kotabipa in akuoi bo tubagaidon in akuoi!

⁸Iko in noguman, [20] “Angoidon posumba kon i-Nakó.” Sinubagan-Ku, “Akuoi in ḷagidon mamangoi, o TUHAN;

⁹dikabí mogadop kon inakó.” Dikabí tumorú bo doí motarima kon i mogogundoi-Mu, sin Ikobí in inta ain notuḷung kon inakó. Dikabí moḷumbú kon inakó andeka monaḷámai kon inakó, o Allah, mopoposaḷamatku.

¹⁰Umpaka ki amá bo ki iná monaḷámai kon inakó, ki Allah in momiagbí kon inakó.

¹¹Poontongdon kon inakó onu inta koibog-Mu, o TUHAN, kapitondon in akuoi kon daḷan inta notuḻid, sin musungku in totuu mobayong.

¹²Dikabí ogoi in akuoi kon ibog in musungku, inta nonubu kon inakó pinongin uboḷ bo gogondok.

¹³Noyakinbí in akuoi kon mokonanambí kon kopopia i TUHAN kon bonu in kobiaganku kon dunia naa.

¹⁴Pongamangdon kon i TUHAN, iropotai bo irotonai in ginamu; oo, pongamangdon kon i TUHAN!