Read Mongondow MAZMUR 36 Bible Online

MAZMUR 36 - Mongondow bible

MAZMUR 36

¹Kon i itoi in mododondong. Nongkon i Daud, mogogundoi i TUHAN.

²Dosa in mosingog kon bonu in gina in intau moraat, sia in beresibí diá moondok kon i Allah.

³Inanggapnea kon siabí in totok in motoyang, dá diábí kotaauannea kon oyúon in taḷánea, bo diábí indoíonnea.

⁴Tosingogonnea mita in moraat bo nopuḻing in tompobaḻik, sia in diá bidon mogaid kon inta mopia bo mobijaksana.

⁵Kon tosiugan sia in monomayábí mako kon moraat; aidnea diábí in mopia, inta moraat diábí in inindoínea.

⁶TUHAN, tabi-Mu ná koḷantud in ḷangit, bo kososatia-Mu nodapot in goḷom.

⁷Kopopia-Mu in ná koḷantud in buḷud, bo kooadil-Mu in ná kodaḷom in dagat; intau bo mahaḷuk biniag-Mu, o TUHAN.

⁸Totuu moḷoben in mangaḻe in tabi-Mu, o Allah, intau in moniung kon bonu in koḻikip-Mu.

⁹Mosia in moorop in kaanon mobarong kon Baḷoi-Mu, takin oinumon nongkon ongkag-Mu inta mokoguḻí kon yogang.

¹⁰Ikobí in pangkoi in kobiagan in bayongan in mahaḷuk, kon bonu in bayag-Mu kami in mokoontong kon bayag.

¹¹Igumon mako Iko in umuran motabi kon intau inta nonotaau kon ini-Mu, bo mogaid kon inta mopia kon intau inta motuḻid in gina.

¹²Dikabí pomayá mako in akuoi in tubuon in intau inta mododia, andeka untunon in intau moraat.

¹³Indoiaika, intau inta nogaid kon inta moraat ain noḷabú, mosia in noibanting bo diádon mokobangon bui.