Read Mongondow MAZMUR 6 Bible Online

MAZMUR 6 - Mongondow bible

MAZMUR 6

¹Kon i itoi in mododondong. Takin ito-itog kecapi. Podudui kon dondong in waḷunea. Mazmur i Daud.

²TUHAN, donaaidon kaasí mosambok kon inakó podoyon kon torú-Mu, donaaidon mohukum kon inakó podoyon kon yaat in gina-Mu.

³Kotabipa kaasí in akuoi o TUHAN, sin nodaitdon in ropotku, iyotonaidon in akuoi sin mororigadon totok in akuoi.

⁴Ginaku in diádon motantúmai; modapotbí in toonu kaasí taḷaan-Mu in akuoi, o TUHAN?

⁵Pobuidon mangoi, TUHAN, bo posaḷamatdon in akuoi, posaḷamatdon in akuoi popisí in tabi-Mu.

⁶Sin kon dunia in intau minatoi Iko in diá bidon toropon; diábí in modayow kon ini-Mu kon dunia in intau minatoi.

⁷Moḷopídon bo moyangkódon in akuoi sin mogamuimai; pomuḷoi in doḷom moḷabú in ḷuáku momuntad kon tosiuganku.

⁸Mataku in moyambotdon popisí in ajar in gina, bo modingungui popisí in musungku mita.

⁹Bayádon, ei intau mita moraat, sin ki TUHAN in nokidongogdon kon ombaḷku.

¹⁰Ki TUHAN in nokidongogbí kon oigumku bo notubagdon kon sambayangku.

¹¹Bayongan in musungku in moitaḻikokogbí bo mooyá bo ḷagidon umundok takin oyá mako.