Read Mongondow MAZMUR 87 Bible Online

MAZMUR 87 - Mongondow bible

MAZMUR 87

¹Mazmur in inanakan i Korah, dondong tobatú. Ki TUHAN in noposindog in kotá-Nea kon tudu in tombuḷud inta motusi. [45]

²Nongkon bayongan in kotá kon Israel, Yerusalembí inta totok in kinotabi-Nea.

³Indongogaidon, ei kotá i Allah, soaḷ mita inta momulia siningog-Nea soaḷ iko:

⁴“Mesir bo Babel in potuoton-Kubí kon bonu in bangusa mita inta motoindudui kon i-Nakó. Nodapot in Pilistea, Tirus bo Sudan moituot mobaḻí intau in Yerusalem.”

⁵Kon i Sion singogon in intau nanaa, bayongan in bangusa in noituot kon inia, bo ki Inta Totok in Moḷantud in moporigondon kon inia.

⁶Ki TUHAN in mopotuot in bangusa mita kon bonu in intau in Yerusalem.

⁷Mosia in motayok bo mopodondongbí, “Sion in ḻipú kinoḷontaganku!”