Read Mongondow AMSAL 29 Bible Online

AMSAL 29 - Mongondow bible

AMSAL 29

¹Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

²Aka intau moadil in momarenta, mopia in gina in rayat. Táe aka intau moraat in mongawasa, yo mororiga in rayat.

³Ki ine in moibog in hikmat, mokosanang kon gina i amánea. Ki ine in moyobayat in bobay sundaḷ mokopodait kon doitnea.

⁴Aka mongongawasa bo monaridi kon inta moadil, yo ḻipúnea in motorindogbí. Táe aka doit in paraḷunea, yo morumbunbí in ḻipúnea.

⁵Ki ine in moduí kon tumpaḷa intau, in motaanbí kon potait kon inia.

⁶Intau moraat in moibaaḷ kon dosanea, intau mojujur in mokorasa kon mosanang bo mopia.

⁷Intau mopia in monotaaubí kon hak in intau moyangkó, táe intau moraat in diábí monotaau intua.

⁸Intau inta moibog mopotaḷá mokotombaukbí kon kotá, táe intau mobijaksana in mokoonowbí kon kaadaan.

⁹Aka intau mobijaksana bo intau bodok mopelekara, intau bodok tua in tongábí momarontak bo kumosing dá mokopomukádon kon dowawá.

¹⁰Intau inta motuḻid in gina kinodoí in intau moḷoḻimod, táe iḷukadanbí in intau inta mopia.

¹¹Intau bodok tumorú moyogintayowan mako, táe intau mobijaksana in mosabar bo monanom kon torúnea.

¹²Aka mongongawasa mokidongog kon habar uboḷ, pogawainea in mobaḻíbí moraat komintan.

¹³Intau bogá bo inta mondorotmai kon inia in oyúonbí in yotongkainea; kon inayadua tua tumpaḷabí ki TUHAN in nobogoi in mata sin poindoi kon bayag in kobiagan.

¹⁴Aka datu mobela kon hak in intau moyangkó, yo kon taonganneabí in sia in momarenta.

¹⁵Totundú bo toboḷow mokopobaḻí kon intau mobijaksana. Adí inta tantú duduian in ibognea mokopooyámai kon i inánea.

¹⁶Aka intau moraat in mongawasa, yo modugangbí in aid moraat. Táe intau motuḻid in mokoontongbí kon korimumudan in intau moraat.

¹⁷Didikdon in ki adímu, dá sia in mobogoibí in kobiagan moonow kon inimu, bo mobaḻí ḷoḻipoi kon inimu.

¹⁸Bangusa inta diá nokouḻí kon topotundú nongkon i TUHAN in mobaḻí bangusa inta umuran motombauk. Mosanangdon totok in intau inta motoindudui kon hukum i TUHAN.

¹⁹Bobantung tobatú in diábí motaau in tundúon tongá pongin tosingogon mita. Komangaḻeanneabí, táe diábí indoianneamai.

²⁰Kon intaubí dondunguḷ in moanto-antó in kamang, dika in intau inta mosingog bo diá muna morai.

²¹Bobantung inta umuran sinauan nongkon noguodpamai, imbuitnea in mobaḻídon pamandot.[9]

²²Intau inta bayá-bayá tumorú mokopopisí kon mobayong in intau mobobayowan bo baradosaan.

²³Intau moḷoḷatú in poompáanmai; intau inta moompá in gina in dayowon.

²⁴Intau inta moyopopog in mononakow, notongkaibí in doí kon awaknea tontaní. Aka sia moguman kon tutuu kon pongadilan, sia in popoḷabúanbí in hukuman. Táe aka sia tongá kibio-biómai, yo sia in kotugatan in kutuk i Allah.

²⁵Moondok kon raian in intau, mokopoangoi kon roriga. Popirisaya kon i TUHAN, dá moamanbí in iko.

²⁶Mobayong in intau mokikoontong kon mongongawasa, táe inta mobogoi in inta moadil, in tongábí ki TUHAN.

²⁷Intau mopia in diábí mopia in ginanea kon intau moraat; intau moraat in doíbí kon intau mopia.