Read Mongondow YESAYA 20 Bible Online

YESAYA 20 - Mongondow bible

YESAYA 20

¹Podudui in parenta i Sargon, datu in Asyur, panglima in tontara in Asyur nonubu kon Asdod, kotá tobatú in Pilistin.

²Toḷu notaong noiuna, ki TUHAN nopotabá kon i Yesaya ki adí i Amos noḷongkut kon aip in sioḷ bo daing tuḷok inta pinakénea. Sia in dinumudui bo minayá nomilang bo diá nomaké in aip in sioḷ.

³Kon dodai in Asdod kinopung, ki TUHAN in noguman, “Mogogundoi-Ku ki Yesaya ain toḷu notaong nomilang bo diá in aip in sioḷ. Naa in tomponuot kon onu inta mobaḻí kon Mesir bo Sudan.

⁴Datu in Asyur in modakopbí kon intau mita nongkon ḻipú doyowa tatua bo mosia in diaanbí sipilang. Noguyang noguod, komintanbí mayá takin diá koḷambung bo aip in sioḷ bo imbuḻínea in koontongan, nobaḻí singkuḻe kon Mesir.

⁵Intau mita inta mopongata in Sudan bo mopoyunggaga kon Mesir in mooyábí bo morimumudon in kamangnea.

⁶Kon tungkuḷ intua intau mita inta nogutun kon bingkí in dagat in mogumandon, ‘Indoiaika onu inta nobaḻí kon bangusa inta pinongata naton sin moḷukad kon i naton nongkon datu in Asyur. Umpaka yo mosaḷamat in kita?’ ”