Read Mongondow YESAYA 56 Bible Online

YESAYA 56 - Mongondow bible

YESAYA 56

¹Ki TUHAN in noguman kon umat-Nea, “Aidaidon onu inta moadil bo inta noyotombutung in hukum-Ku. Sin topiḻikpa bo Akuoi in mamangoi moposaḷamat kon i monimu bo koadilan-Ku in poniata.

²Barakatan-Ku in intau inta moḷukad kon singgai in Sabat bo diá noponajis in singgai tatua. Intau inta diá nogaid kon inta moraat in pomiaan-Ku kopiaan.”

³Intau ango-angoi inta dinumugang kon umat i TUHAN in diábí motaau in moguman, “ki TUHAN in diá nobogoi kon inakó mosumba kon i-Nia noyotakin in umat-Nea.” Intau inta kinabiri in diábí motaau morai “Akuoi in diábí motaau mobaḻí indugang in umat i TUHAN, sin Akuoi in diá mokouḻí kon buí.”

⁴Ki TUHAN in noguman kon i monia, “Aka moiko mohoromat kon singgai in Sabat, aka moiko motoindudui kon dodandian-Ku bo mogaid kon onu inta mokosanang kon gina-Ku,

⁵dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

⁶Ki TUHAN in noguman kon intau mita ango-angoi inta ain noituot kon bonu in umat i TUHAN, inta motabi kon i TUHAN bo inta noibada kon i-Nia, inta nohoromat kon singgai in Sabat bo nosatia kon dodandian-Nea,

⁷“Moiko in diaan-Kubí mayá in Sion, mayá in tombuḷud-Ku inta motusi,[76] bo ogoian-Ku in ḷunganga in gina kon Baḷoi pooibadaan-Ku. Kuruban mita inta pinosumba monimu kon mezbah-Ku in tarimaan-Kubí. Baḷoi-Ku in tangoionbí baḷoi pososambayangan in bayongan bangusa.”

⁸Nanaa in guman i TUHAN Inta Totok in moḷantud inta nogatod kon Israel nobui nongkon pinoḷumbúan, “Akuoi in modiabí kon intau ibanea sin dumugang takin monia inta ain notonsipun.”

⁹Ki TUHAN in nopotabá kon bangusa mita ibanea namangoi naonda bo biag ḻindong sin modomok kon umat-Nea.

¹⁰Guman i TUHAN, “Itoi mita in bangusa-Ku in intau mita bilog! Mosia in diábí nonotaau in onu bo onu. Mosia in naonda bo ungkú bobó inta diá mogaú, táe tongábí mosiug mako bo tumogoindop. Mosanang totok in mosia in mosiug!

¹¹Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

¹²Intau mita moḷoḷoḷangu mita tatua in moguman, ‘Igai monginum in kita kon anggur bo monginum modapot in moorop! Ikoḷom in mopia-pia nongkon singgai naa!’ ”