Read Mongondow YEHEZKIEL 35 Bible Online

YEHEZKIEL 35 - Mongondow bible

YEHEZKIEL 35

¹Ki TUHAN in noguman kon inakó,

²“Ei intau ilo-ilow, kutukdon in butá in Edom.

³Potaaudon kon intau mita inta nogutun kon tua in onu inta pinotaau-Ku, ki TUHAN Inta Totok in moḷantud kon i monia, ‘Akuoi naa in musungmu, ei intau mita inta nogutun kon buḷud in Edom! Butámu in baḻíon-Kubí moingongow diá in mogogutun, bo kotámu mita in mobaḻídon apug mita. Dá kotaauandon monimu kon Akuoibí in ki TUHAN.

⁵Nongkon koḻipodpabímai sinaturu monimu in Israel bo nopomayá mako sinota-totad kon dodai in mosia kinoantugan in bodito saḷaku hukuman imbuitnea popisí in dosa monia.

⁶Tuamai, podoyon kon i tangoi-Ku, ki Allah inta nobiag, ki TUHAN Inta Totok in moḷantud, popatoi in ukurmubí, bo moiko in diábí mokoḷagui nongkon tua. Moiko in kotaḷádon popisí in [72] noḻimod, dá ḷoḻimod in mogaḷow doman kon inimu.

⁷Kotámu mita kon buḷud in Edom in baḻíon-Kudon moingongow bo bayongan in intau inta tumaḻib kon tua in ḻimodon-Kubí.

⁸Buḷud mita in bumbunan-Kubí in mayatmu mita, tombuḷud bo ḷopá in puḻingan-Kubí in intau mita inta minatoi kon parang.

⁹Butámu in baḻíon-Ku rawang in kayuon modapot in mononoi, bo kotámu mita in diá bidon pogutunan in intau. Dá kotaauandon monimu kon Akuoibí in ki TUHAN.

¹⁰Moiko in noguman kon pinomayá Yohuda andeka Israel bo butánea-butánea in hakmubí, bo mouḻíbí monimu umpakabí Akuoi, ki TUHAN, in ki Allah monia.

¹¹Tuamai, podoyon kon tangoi-Ku, ki Allah Inta Totok in moḷantud, tuḻían-Kubí in iko, popisí in sinumorú in moiko, nointoi bo nondoí kon umat-Ku. Kotaauanbí monia kon moiko in hukumon-Kubí popisí in aidmu kon i monia.

¹²Dá kotaauandon monimu kon Akuoi, ki TUHAN, ain nokidongog kon singkuḻemu kon tungkuḷ in moiko noguman: Buḷud mita in Israel noingongowdon bo inogoidon nobaḻí kokaanon naton.

¹³Ei bangusa in Edom, moambungangaḷ in moiko bo moḷoḷatú in singogmu kon i-Nakó. Dinongog-Ku bidon intua komintan.

¹⁴Akuoi ki TUHAN Inta Totok in moḷantud in noguman: Sinangkub in dunia in mosanangbí kon tungkuḷ in sinangkub in butámu baḻíon-Ku rawang inta moingongow,

¹⁵ná kinososanang in gina monimu kon dodai in nokoontong kon Israel kapunyaan-Ku nobaḻí noingongow. Buḷud mita in Seir, nodapot in sinangkub in butá in Edom in mobaḻíbí moingongow. Dá bayongan in intau in monotaaudon kon Akuoibí in ki TUHAN.’ ”