Read Mongondow YUNUS 2 Bible Online

YUNUS 2 - Mongondow bible

YUNUS 2

¹Nongkon bonu in sian in toyá tatua, ki Yunus nosambayang kon i TUHAN Allahnea. Kainia,

²“O TUHAN, Kon bonu in rorigaku akuoi in mokuani kon ini-Mu bo Iko in motubag kon inakó. Nongkon dunia in intau minatoi akuoi mopoigum in totuḷung, oigumku in inindongogan-Mu bo inindoian-Mu.

³Kon tampat modaḷom akuoi pinogonag-Mu, nodapot kon apad in dagat. Kon tua torú in tubig iḻimibu kon inakó, bokoḷ bo ḻimboknea nopogambat kon inakó.

⁴Akuoi in nosingog kon bonu in ginaku: Ki TUHAN in nopoguntundon kon inakó naa nongkon tayowon-Nea. Diádon in akuoi mokoontong bui kon baḷoi pogogutunan-Nea inta motusi.

⁵Tubig in dagat noponik nodapotdon in bibigku, baḷangon in noḻingkupdon kon sinangkub in awakku, ḷumut in dagat noibakutdon kon uḷuku.

⁶Akuoi in iḷumanduk noidapot kon apad in tombuḷud, kon dunia inta bonawangnea kinunsían modapot in singgai tumi. [4] Dimukudku in moḷopídon totok kon bonu in awakku, bo kinotoropankudon bo nokuani kon ini-Mu. Dá noiyaputdon in sambayangku kon ini-Mu, kon bonu in Baḷoi-Mu inta mokudus. Bo pinopoponik-Mudon in akuoi nongkon bonu in dagat, o TUHAN Allahku!

⁸Mososumba mita kon berhala inta diá in baragunanea, in nonaḷámaidon kon ini-Mu bo diádon notoḷutui.

⁹Táe akuoi in mopodondongbí in dodayow mita kon ini-Mu bo moposumba in kuruban kon ini-Mu. Bayongan in dandiku in aidankubí. Ikobí in ki TUHAN inta noposaḷamat.”

¹⁰Onda intua, podudui kon parenta i TUHAN, toyá tatua noḷuádon kon i Yunus kon toba.