Read Mongondow PINOGIAPAN 2 Bible Online

PINOGIAPAN 2 - Mongondow bible

PINOGIAPAN 2

¹Ki TUHAN noguman kon i Musa bo kon i Harun:

²“Kon dodai intau Israel moposindog in ḷoḷaigan, bayongan intau musti mogutun kon ḷoḷaigan kon ḻibumai in bandera pinonobatúannea takin tomponuot in inanakannea tontaní. Ḷoḷaigan mita tatua musti daiton posindogon kon ḻibumai in Ḷoḷaigan-Ku, táe koḻin yayúon nongkon tua.”

³Kon dotá in pomukaan, tontara mita inta nomaké in bandera pinonobatúan i Yohuda musti mogutun kon ḷoḷaigan podudui in tontara bo itoi monia tontaní kon bonu in pipidan tanaa: [Suku] — [Itoi] — [Kobayong intau] Yohuda — Ki Nahason adí i Aminadab — 74.600 Isakhar — Ki Netaneel adí i Zuar — 54.400 Zebulon — Ki Eliab adí i Helon — 57.400 kobayongnea: — 186.400 Pinonobatúan i Yohuda musti totok kon muna mayá.

¹⁰Kon dotá in toḷatan, tontara inta noniung kon bandera pinonobatúan i Ruben, musti mononḷoḷaigan podudui in tontara takin itoi monia tontaní kon bonu in pipidan tanaa: [suku] — [Itoi] — [Kobayong intau] Ruben — Ki Elizur adí i Syedeur — 46.500 Simeon — Ki Selumiel adí i Zurisyadai — 59.300 Gad — Ki Elyasap adí i Rehuel — 45.650 kobayongnea: — 151.450 Pinonobatúan i Ruben musti mobuat kon induanea.

¹⁷Mopaḷut mako kon tua, kon yua-yuak in bayongan tontara Israel, suku i Lewi musti mayá takin kopota-potaan in Ḷoḷaigan i TUHAN. Naonda in pinononḷoḷaigan monia, dá natua doman in mosia mayá, mayá podudui in bandera monia tontaní.

¹⁸Kon dotá in toyopan, tontara inta nomaké in bandera pinonobatúan suku i Epraim musti mononḷoḷaigan podudui in tontara takin itoi monia tontaní kon bonu in pipidan tanaa: [Suku] — [Itoi] — [Kobayong intau] Epraim — Ki Elisama adí i Amihud — 40.500 Manasye — Ki Gamaliel adí i Pedazur — 32.200 Benyamin — Ki Abidan adí i Gideoni — 35.400 Kobayongnea: — 108.100 Pinonobatúan suku i Epraim musti mayá kon tumi in suku i Lewi.

²⁵Kon dotá in utuan, tontara inta noniung kon bandera pinonobatúan in suku i Dan musti mononḷoḷaigan podudui in tontara takin itoi monia tontaní kon bonu in pipidan tanaa: [Suku] — [Itoi] — [Kobayong intau] Dan — Ki Ahiezer adí i Amisyadai — 62.700 Asyer — Ki Pagiel adí i Okhran — 41.500 Naptali — Ki Ahira adí i Enan — 53.400 Kobayongnea: — 157.600 Pinonobatúan suku i Dan in tumi-tumimai mobuat.

³²Kobayong intau Israel inta pinais kon bonu in pinonobatúan mita podudui in tontara mita monia tontaní, kobayongnea in 603.550 in intau.

³³Ná inta pinarenta i TUHAN kon i Musa, intau in Lewi diábí pinais pinoyotakin in intau mita Israel ibanea.

³⁴Intau Israel nogaid kon bayongan inta pinarenta i TUHAN kon i Musa. Mosia nononḷoḷaigan kon ḻibumai in banderanea tontaní, bo nobuat podudui in inanakan inanakannea.