Read Mongondow PINOGIAPAN 26 Bible Online

PINOGIAPAN 26 - Mongondow bible

PINOGIAPAN 26

¹Naonda in bodito tatua nopaḷut, ki TUHAN noguman kon i Musa bo kon i Eleazar, adí i Imang Harun,

²“Moiko in musti mogiap bui kon bayongan umat in Israel podudui in inanakan monia. Bayongan in ḷoḷaki inta umur doyowa nopuḷú notaong bo namonik inta motaaudon baḻíon tontara, musti daiton paison.”

³Ki Musa bo ki Eleazar nopobayá in parenta tatua. Mosia nogoiní kon bayongan in ḷoḷaki inta umur doyowa nopuḷú notaong bo namonik bo nosipun kon i monia kon ḷopá in Moab, kon ḷoḷan in Ongkag in Yordan, kon diug in kotá in Yerikho. Naa in intau mita Israel inta iḻumuai nongkon Mesir:

⁴

⁵Nongkon suku i Ruben, adí guya-guyang i Yakub: inanakan i Henokh, i Palu,

⁶i Hezron bo i Karmi.

⁷Ḷoḷaki mita nongkon inanakan mita tatua kobayongnea in 43.730.

⁸Ki adí i Palu in ki Eliab,

⁹bo ki adí mita i Eliab in ki Nemuel, ki Datan bo ki Abiram. Ki Datan bo ki Abiram tua ain piniḻí in umat, táe mosia ain dinumugang kon dumodudui mita i Korah sin moḷawang kon i Musa bo kon i Harun bo moḷawang kon i TUHAN.

¹⁰Bo butá noguang poḷat noḻiom kon i monia nodapot in mosia minatoi noyotakin i Korah takin dumoduduinea mita kon dodai in tuḷú nomokak kon doyowa nogatut bo ḻima nopuḷú in ḷoḷaki. Tua in nobaḻí tompoingat kon bangusa Israel.

¹¹Táe ki adí mita i Korah diábí in noitakin kinoḻimodan.

¹²Nongkon suku i Simeon: Inanakan i Nemuel, i Yamin, i Yakhin,

¹³i Zerah bo i Saul.

¹⁴Kobayong in ḷoḷaki mita kon inanakan mita tatua in 22.200.

¹⁵Nongkon suku i Gad: Inanakan i Zepon, i Hagi, i Syuni,

¹⁶i Ozni, i Eri,

¹⁷i Arod bo i Areli.

¹⁸Kobayong in ḷoḷaki mita nongkon inanakan mita tatua in 40.500.

¹⁹Nongkon suku i Yohuda: Inanakan i Syela, i Peres, i Zerah, i Hezron bo i Hamul. Ki adí i Yohuda doyowa inta ki Er bo ki Onan, ain minatoi kon butá in Kanaan.

²⁰

²¹

²²Kobayong in ḷoḷaki nongkon inanakan mita tatua in 76.500.

²³Nongkon suku i Isakhar: Inanakan i Tola, i Pua,

²⁴i Yasub bo i Simron.

²⁵Kobayong in ḷoḷaki mita kon inanakan tatua in 64.300.

²⁶Nongkon suku i Zebulon: Inanakan i Zered, i Elon bo i Yahleel.

²⁷Kobayong in ḷoḷaki mita kon inanakan mita tatua in 60.500.

²⁸Nongkon buí i Yusup, inta kogadí kon adí ḷoḷaki doyowa: Suku i Manasye bo suku i Epraim.

²⁹Nongkon suku i Manasye: Ki Makhir, adí i Manasye, in ki amá i Gilead; bo inanakan mita moiduduimai naa in buí i Gilead:

³⁰Inanakan i Iezer, i Helek,

³¹i Asriel, i Sekhem,

³²i Semida bo i Heper.

³³Ki Zelapehad adí i Heper diá kogadí kon ḷoḷaki, tongá bobay. Tangoi monia in ki Mahla, ki Noa, ki Hogla, ki Milka bo ki Tirza.

³⁴Kobayong in ḷoḷaki nongkon inanakan mita tatua in 52.700.

³⁵Nongkon suku i Epraim: Inanakan i Sutela, i Bekher, bo Tahan.

³⁶Inanakan i Eran in buí i Sutela.

³⁷Kobayong in ḷoḷaki mita kon inanakan tatua in 32.500. Tuata in inanakan mita buí i Yusup.

³⁸Nongkon suku i Benyamin: inanakan i Bela, i Asybel, i Ahiram,

³⁹i Sepupam bo i Hupam.

⁴⁰Inanakan i Ared bo i Naaman in buí i Bela.

⁴¹Kobayong in ḷoḷaki mita kon inanakan mita tatua in 45.600 in intau.

⁴²Nongkon suku i Dan: Inanakan i Suham.

⁴³Kobayong in ḷoḷaki kon inanakan tatua in 64.400.

⁴⁴Nongkon suku i Asyer: Inanakan i Yimna, i Yiswi bo i Beria.

⁴⁵Inanakan i Heber bo i Malkiel in buí mita i Beria.

⁴⁶Ki Asyer kogadí kon bobay tobatú tangoinea in ki Serah.

⁴⁷Kobayong in ḷoḷaki kon inanakan mita tatua in 53.400.

⁴⁸Nongkon suku i Naptali: Inanakan i Yahzeel, i Guni,

⁴⁹i Yezer bo i Syilem.

⁵⁰Kobayong in ḷoḷaki kon inanakan mita tatua in 45.400.

⁵¹Kobayong in ḷoḷaki mita intau in Israel in 601.730.

⁵²Ki TUHAN noguman kon i Musa,

⁵³“Silai in butá tatua kon suku mita in bangusa Israel podudui in kobayong in suku mita tatua.

⁵⁴Aidai intua takin momaké in undi, Tongguḷu in suku moḷoben musti ogoianmu in tonsilai inta moḷoben, bo suku inta mointok ogoiai doman in tonsilai mointok.”

⁵⁵

⁵⁶

⁵⁷Suku i Lewi tua in kinosipunan in Inanakan i Gerson, i Kehat bo i Merari.

⁵⁸Kon buí monia tua noituot doman in inanakan i Libni, i Hebron, i Mahli, i Musi bo i Korah. Ki Kehat tua in ki amá i Amram.

⁵⁹Ki Amram notonibuḷoi i Yokhebed, adí i Lewi. Ki Yokhebed tua noilahir kon Mesir. Ki Amram bo ki Yokhebed kogadí kon ḷoḷaki doyowa: ki Harun bo ki Musa, takin bobay tobatú ki Miryam in tangoinea.

⁶⁰Ki Harun kogadí kon ḷoḷaki opat: Ki Nadab, ki Abihu, ki Eleazar bo ki Itamar.

⁶¹Ki Nadab bo ki Abihu minatoi kon dodai in mosia noposumba in tuḷú inta kinodoí i Allah.

⁶²Ḷoḷaki mita inta nongkon suku i Lewi inta umur tobuḷan bo namonik kobayongnea in 23.000. Mosia iniap pinoyotontaní nongkon intau mita inta tobangusanea, sin mosia in diá nokouḻí kon butá tonsilai kon Israel.

⁶³Tuata in pinogiapan inta pinomia i Musa bo i Imang Eleazar kon inanakan mita in Israel kon dodai in mosia nogiap kon ḷopá in Moab inta kon ḷoḷan in Ongkag in Yordan kon diug in kotá in Yerikho.

⁶⁴Intau mita inta koḻipod tangoi monia pinais i Musa bo i Harun kon padang gurun Sinai, diádon tobatúmai in nobiagpa.

⁶⁵Ki TUHAN ain noguman kon mosia komintan in matoibí kon padang gurun. Bo totuu kon mosia in minatoidon komintan, koḻikudon in ki Kaleb adí i Yepune bo ki Yosua adí i Nun.