Read Mongondow PINOGIAPAN 7 Bible Online

PINOGIAPAN 7 - Mongondow bible

PINOGIAPAN 7

¹Kon dodai in ki Musa nopaḷutdon noposindog in Ḷoḷaigan i TUHAN, Ḷoḷaigan takin bayongan in touḷutnea sinabisneadon takin nopoḻepo in ḷana upacara kon bayongan intua. Natua doman in pinomomianea kon mezbah bo bayongan in pakakatnea.

²Bo bayongan intau moḷoben in Israel, inta nobaḻí tongguḷu in suku inta kitogi totaau kon pogiapan kon intau,

³noposumba kon tayowon i TUHAN onom in roda bo mopuḷú bodoyowá in sapi; intau moḷoben doyowa mobogoi in roda tobatú, bo tumongo batu in sapi. Naonda in mosia noposumba intua,

⁴ki TUHAN noguman kon i Musa,

⁵“Tarimadon onu inta inogoi mita tatua sin pogakutan kon Ḷoḷaigan-Ku; ogoidon in bayongan tua kon intau in Lewi podudui in oaidan monia.”

⁶Bo roda mita takin sapi mita tatua inogoidon i Musa kon intau in Lewi.

⁷Roda doyowa bo sapi opat inogoinea kon intau mita i Gerson,

⁸roda opat bo sapi waḷu inogoinea kon intau mita i Merari, podudui in oaidan inta pomiaan monia kon bonu in tongganut i Itamar, adí i imang Harun.

⁹Táe intau mita i Kehat in diábí inogoian i Musa in roda bo sapi, sin pakakat mita motusi inta kon bonu in totaau monia, mustibí potaanon monia.

¹⁰Intau mita moḷoben nodia kon sosumba sin pakéon kon upacara ponabisan kon mezbah. Naonda in mosia nosadiadon modia kon bobogoi monia kon tayowon in mezbah,

¹¹ki TUHAN noguman kon i Musa, “Potaaudon kon i monia kon pomuḷoi in singgai kon bonu in mopuḷú bodoyowá nosinggai tobatú intau kon sigad in itoi mita tatua musti moposumba in kurubannea kon upacara ponabisan kon mezbah.”

¹²Kon batúannea modia kon sosumbanea podudui in wakutunea: [Singgai] — [Suku] — [Itoi] Imitánea — Yohuda — Nahason adí i Aminadab Nogindua — Isakhar — Natanael adí i Zuar Nogintoḷu — Zebulon — Eliab adí i Helon Noginggopat — Ruben — Elizur adí i Syedeur Noginḻima — Simeon — Selumiel adí i Zurisyadai Noginggonom — Gad — Eliasap adí i Rehuel Noginpitu — Epraim — Elisama adí i Amihud Noginwaḷu — Manasye — Gamaliel adí i Pedazur Noginsiow — Benyamin — Abidan adí i Gideoni Impuḷúnea — Dan — Ahiezer adí i Amisyadai Impuḷú bomitá — Asyer — Pagiel adí i Okhran Impuḷú bodoyowá — Naptali — Ahira adí i Enan Naa in sosumba monia kon batúannea: tobatú in pindan saḷaka inta kobogatnea in tokilo bo tobotak bo tobatú in baskom saḷaka inta kobogatnea in 800 nogram, podudui in simbangan inta pinaké kon Ḷoḷaigan i TUHAN. Tampat doyowa tatua binonuan kinopuḻing in topong binauian in ḷana sin baḻíon sosumba oḷudon. K(...)

⁸⁴Sosumba inta dinia in itoi mopuḷú bodoyowá sin pakéon kon ponabisan kon mezbah tatua, kobayongnea komintan: — mopuḷú bodoyowá in pindan saḷaka bo mopuḷú bodoyowá in baskom saḷaka inta kobogat intua komintan 27,6 nokilo — Mopuḷú bodoyowá in pindan buḷawan, kobogat intua komintan in 1,32 nokilo, binonuan in dupa kinopuḻing — sapi koḷakian mopuḷú bodoyowá, domba koḷakian mopuḷú bodoyowá, ki adí in domba inta umur totaong mopuḷú bodoyowá, pinoyotakin in kuruban oḷudon nobaḻí intompodnea sin pakéon kuruban payongon — bembé mopuḷú bodoyowá sin baḻíon kuruban potobut kon dosa — sapi koḷakian doyowa nopuḷú bo opat, domba koḷakian onom nopuḷú, bembé onom nopuḷú bo domba umur totaong onom nopuḷú pakéon kuruban pondamean.

⁸⁹Pomuḷoi in ki Musa tumuot kon Ḷoḷaigan i TUHAN sin moyosingog i TUHAN, sia mokodongog kon singog i TUHAN inta moguman kon inia nongkon tudu in taḷob in Poti Dodandian inta sinoyuak in patong kerub doyowa.[1]