Read Mongondow ZAKHARIA 2 Bible Online

ZAKHARIA 2 - Mongondow bible

ZAKHARIA 2

¹Kon oontongon noiduduimai akuoi in nokoontong kon ḷoḷaki tobatú inta nokadai kon meter pogogukur.

²“Mayá in onda?” iḻibóku. “Mayá mogukur kon Yerusalem,” tubagnea, “ibogonku bá kotaauan mongo tongonu in kobanat bo kooḷad in kotá tatua.”

³Onda intua inontongku in malaekat inta ain noyosingogku tatua, iḷumangkad inumuna, bo malaekat tobatú ibanea in namangoi nokipodungkuḷ kon inia.

⁴Malaekat inta muna in noguman kon malaekat inta nogindua, “Ḷagidon bayá kon tayowmobiag tatua, bo pogumandon kon inia kon Yerusalem in mopuḻingdon totok in intau bo bobiagon dá diádon motaau bui dindingon ḻibu-ḻibu.

⁵Ki TUHAN in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

⁶Ki TUHAN in noguman kon umat-Nea, “Akuoi in noporaritdon magí-mako kon i monimu kon bayongan in tampat. Táe tanaa intau mita inta sinokoḷumbú in poḷaguidon nongkon Babel bo pobuidon mangoi kon Yerusalem.

⁸Ki ine in monubu kon i monimu, in monububí kon batoḷ in dodob-Ku.” Dá Ki TUHAN Inta Totok in mokawasa [1] in nopotabá kon inakó mopotaau in koyow tanaa kon bangusa mita inta ain nogagow kon umat-Nea,

⁹“Ki TUHAN tontaní in monayow kon i monimu! Bo moiko in pogagowanbí in intau mita inta ki atamu mita tontaní. Aka tua bo mobaḻí, yo kotaauandon monimu kon ki TUHAN Inta Totok in mokawasa ain nopotabá kon inakó.”

¹⁰Ki TUHAN in noguman, “Porodondongdon takin pia in gina ei intau in Yerusalem! Akuoi in mogutunbí kon yua-yuakmu!”

¹¹Kon dodai intua mobayong in bangusa in mamangoi kon i TUHAN sin nobaḻí umat-Nea. Sia in mogutunbí kon yua-yuakmu, bo kotaauandon monimu kon ki TUHAN in nopotabádon kon inakó namangoi kon inimu.

¹²Komintanpa doman Yohuda in mobaḻídon umat inta sinondídon kon i TUHAN kon butá-Nea inta motusi, bo Yerusalem in mobaḻí kotá inta totok in kinotabi-Nea.

¹³Kibio-biómaidon in moiko komintan kon tayowon i TUHAN! Sin Sia in nobuatdon nongkon tampat pinogutunan-Nea kon soroga.