Read Mongondow ULANGAN 20 Bible Online

ULANGAN 20 - Mongondow bible

ULANGAN 20

¹“Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki TUHAN Allahmu inta nopoḷuai kon i monimu nongkon Mesir, in motuḷungbí doman kon i monimu.

²Kon dodai in diápa momangkoi moparang, imang tobatú musti mayá in muna bo mosingog kon inimu nanaa,

³‘Utat mita, indongogai! Singgai in naa moiko mayá moparang. Dika moondok ande kimiot in gina ande motoboḻingo.

⁴Ki TUHAN Allahmu in dumuduibí sin motuḷung kon i monimu, bo Sia in mopountungbí kon inimu.’

⁵Onda intua porwira mita musti mopotaau in tosingogon mita tanaa kon inimu, ‘Oyúon degá in kon sigad monimu in intau inta bagu noposindog in baḷoi, táe diápa nomia kon upacara kinoḷapatannea? Aka oyúon, yo motaaubí in sia mobui. Sin aka sia koḻimodan kon parang, dá intau ibaneadon in mogutun kon baḷoinea.

⁶Oyúon degá in kon sigad monimu in bagu nomuḷa kon anggurnea bo diápa nokoposipú kon bungai mita in anggurnea? Aka oyúon, yo motaaubí in sia mobui. Sin aka sia koḻimodan kon parang, yo intaudon ibanea in monginum kon tubig in anggurnea.

⁷Oyúon degá in kon sigad monimu in intau inta nongantangdon bo mobuḷoidon? Aka oyúon, motaaubí in sia mobui. Sin aka in sia bo koḻimodan kon parang, yo intaudon ibanea in motonibuḷoi takin i kantangnea.’

⁸Porwira mita in musti doman moguman nanaa kon inimu, ‘Oyúon degá in kon sigad monimu nion in mouyot bo moondok? Aka oyúon, motaaubí in sia mobui, sinbá sia in diá mokoponag kon gina in intau ibanea moparang.’

⁹Naonda in porwira mita tatua nogumandon kon tontara, musti momiḻí kon guhanga mita kon batúan in paanan.

¹⁰Aka moiko mayá sin monubu kon kotá tobatú, ogoiaipa muna in kasampatan in intau mita inta nogutun kon tua tumungkud kon tayowon monimu.

¹¹Aka mosia momukat kon ḷoḻingkop mita in ngara moḷoben bo tumungkud, yo mosia komintan in musti mobaḻí komintan bobantungmu mita bo musti mokoporajing in mogaid kon inimu.

¹²Táe aka intau mita inta nogutun kon kotá tatua doí tumungkud kon tayowonmu bo ibogon monia in moparangbí, yo musti in moiko mongopung kon kotá tatua.

¹³Onda intua, aka ki TUHAN Allahmu mobogoidon kon imonimu mogagow kon kotá tatua, moiko in musti moḻimod kon bayongan intau mita ḷoḷaki inta nogutun kon tua.

¹⁴Táe moiko in motaaubí mogamá kon bobaynea mita, adí mita, bobiagon bo onuka in kon kotá tatua. Bayongan in kapunyaan in musungmu mita tatua motaaubí in pakéon monimu. Inogoi bidon i TUHAN Allahmu intua kon inimu.

¹⁵Natuata in aidan monimu kon kotá mita inta moyayú nongkon butá inta pinogutunanmu.

¹⁶Táe aka kotá tatua kon bonu in butá inta inogoi i TUHAN Allahmu kon inimu, yo bayongan in intau inta nogutun kon tua musti yopúdon.

¹⁷Ná inta pinarenta i TUHAN Allahmu, moiko in mustibí moyompat kon intau mita in Het, Amori, Kanaan, Peris, Hewi bo Yebus.

¹⁸Ḻimodon in mosia, sinbá mosia in diá mokopopisí kon i monimu mogaid kon dosa kon i TUHAN Allahmu sin tundúon monia in moiko mogaid kon inta moromú kon ilah mita monia.

¹⁹Aka moiko monubu kon kotá tobatú bo mongopung moonggot, dikabí momupuḷ kon pangkoi mita in ayop kon tua. Kaandon in bungainea mita, táe dika poguyaaton in pangkoinea, sin pangkoi mita in ayop tatua in deemanbí musungmu.

²⁰Pangkoi in kayu mita ibanea in motaaubí pupuḷon monimu sin aidan tondok pongopungan modapot in kotá tatua potungkudon.”