Read Mongondow YOSUA 19 Bible Online

YOSUA 19 - Mongondow bible

YOSUA 19

¹Pinosilaian nogindua tuata in butá mita inta motoḷuadí mita inta kon bonu in suku i Simeon. Sigad in butá monia sinumuot nodapot kon bonu in sigad in butá kapunyaan in suku Yohuda.

²Mosia inogoian in kotá mopuḷú botoḷú noiduduimai naa takin ḻipú mita kon diugneamai: Bersyeba, Syeba, Molada, Hazar-Sual, Bala, Ezem, Eltolad, Betul, Horma, Ziklag, Bet-Hamarkabot, Hazar-Susa, Bet-Lebaot, bo Saruhen.

⁴

⁵

⁶

⁷Bo opat doman in kotá inta noiduduimai naa takin ḻipú mita inta kon diugneamai: Ain, Rimon, Eter, bo Asan.

⁸Noituot doman in bayongan ḻipú kon ḻibumai in kotá mita tatua nodapot kon Baalat-Beer (tuata in Rama) kon butá kon dotá in toḷatan. Tuata in butá inta inogoi kon motoḷuadí mita nongkon suku i Simeon sin mobaḻí kapunyaan monia.

⁹Popisí in butá inta inogoi kon suku Yohuda noiḻiudon in oḷad, dá tongosilai nongkon butá tatua inogoi kon suku i Simeon.

¹⁰Pinosilaian nogintoḷu tuata in butá inta kon motoḷuadí mita inta kon bonu in suku i Zebulon. Sigad in butá inta inogoi kon i monia in nodapot kon Sarid.

¹¹Nongkon Sarid, botok in sigad kon dotá in toyopan nopobayá ná Marala, bo noisigid kon Dabeset bo tapá kon dotá in pomukaan kon Yokneam.

¹²Botok sigad kon dotá in pomukaan pinangkoi nongkon Sarid nopobayá ná sigad in Khislot-Tabor, bo minayá ná Dobrat, bodongka notakod kon Yapia.

¹³Nongkon tua botok sigad tatua minayá ná pomukaan kon Gat-Heper bo Et-Kazin, bo nomurow ná Nea nopobayá ná Rimon.

¹⁴Kon dotá in utuan, sigad in butá tatua nomurow nopobayá ná Hanaton bo nopaḷuput kon Ḷopá in Yiptah-El.

¹⁵Kon bonu in butá in suku Zebulon tatua noibonu doman: in Katat, Nahalal, Simron, Yidala bo Betlehem. Butá monia tua in mopuḷú bodoyowá in kotá takin ḻipú mita inta kon diugneamai.

¹⁶Kotánea mita bo ḻipúnea mita tatua in noiukat kon bonu in butá inta inogoi kon motoḷuadí mita inta kon bonu in suku i Zebulon sin mobaḻí kapunyaan monia.

¹⁷Pinosilaian noginggopat tuata in butá inta kon motoḷuadí mita kon bonu in suku i Isakhar.

¹⁸Noibonu kon butá monia tua in: Yizreel, Khesulot, Sunem,

¹⁹Haparaim, Sion, Anaharat,

²⁰Rabit, Kisyon, Ebes.

²¹Remet, En-Ganim, En-Hada bo Bet-Pazes.

²²Sigad in butá monia tua noisigid kon Tabor, Sahazima, Bet-Semes, bo nopaḷuput kon Ongkag in Yordan. Butá monia tua in mopuḷú bo onom in kotá noitakin doman in ḻipú mita inta kon diugneamai.

²³Kotánea mita bo ḻipúnea tua in noiukat kon bonu in butá inta inogoi kon motoḷuadí mita kon bonu in suku i Isakhar sin mobaḻí kapunyaan monia.

²⁴Pinosilaian noginḻima tuata in butá inta kon motoḷuadí mita inta kon bonu in suku i Asyer.

²⁵Butá monia tua in: Helkat, Hali, Beten, Akhsap,

²⁶Alamelek, Amad bo Misal. Sigad in butá monia kon dotá in toyopan noisigid kon Buḷud in Karmel bo Ongkag in Libnat.

²⁷Nongkon tua botok in sigad monia tua nomurow ná pomukaan kon Bet-Dagon bo noisigid kon pinosigadan in Zebulon bo Ḷopá in Yiptah-El nopobayá ná utuan kon Bet-Emek bo Nehiel. Bo botok in sigad tatua minayá nomoḷat bui ná utuan kon Kabul,

²⁸Ebron, Rehob, Hamon, bo Kana, nodapot kon Sidon.

²⁹Nongkon tua botok in sigad tatua nomurow ná Rama nomoḷat nodapot kon kotá in Tirus, tobatú kotá inta oyúon in benteng; onda intua botok sigad tatua nomurow bui ná Hosa bo nopaḷuput kon Dagat Toyuak. Kon sigad mita tatua noibonu in Mahalab, Akhzib,

³⁰Uma, Apek, bo Rehob. Kobayong in butá monia tua in doyowa nopuḷú bodoyowá in kotá takin ḻipú mita kon diugneamai.

³¹Kotá mita takin ḻipúnea tatua noiukat kon bonu in butá inta inogoi kon motoḷuadí mita inta kon bonu in suku i Asyer sin mobaḻí butá kapunyaan monia.

³²Pinosilaian noginggonom tuata in butá inta kon motoḷuadí kon bonu in suku i Naptali.

³³Sigad in butá monia in pinangkoi nongkon Helep, nodapot kon pangkoi in ek kon Zaananim, bo minayá kon Adami-Nekeb, bo nopobayá ná Yabneel, nodapot kon Lakum, onda intua nopaḷuput kon Ongkag in Yordan.

³⁴Nongkon tua botok in sigad in butá tatua nomurow ná toyopan kon Aznot-Tabor, bo nongkon tua nopobayá ná Hukok. Kon dotá in toḷatan, butá tanaa noyosigad in butá in Zebulon, kon dotá in toyopan noyosigad in Asyer, bo kon dotá in pomukaan noyosigad in Ongkag in Yordan.

³⁵Kotá mita inta oyúon in benteng in: Zidim, Zer, Hamat, Rakat, Kineret,

³⁶Adama, Rama, Hazor,

³⁷Kedes, Edrei, En-Hazor,

³⁸Yiron, Migdal-El, Horem, Bet-Anat, bo Bet-Semes. Kobayong in butá monia tua in mopuḷú bo siow in kotá takin ḻipú mita inta kon diugneamai.

³⁹Kotá mita bo ḻipúnea mita tatua in noiukat kon bonu in butá inta inogoi kon motoḷuadí inta kon bonu in suku i Naptali sin mobaḻí kapunyaan monia.

⁴⁰Pinosilaian noginpitu tuata in butá inta kon motoḷuadí mita inta kon bonu in suku i Dan.

⁴¹Butá monia naa in Zora, Esytaol, Ir-Semes,

⁴²Saalabin, Ayalon, Yitla,

⁴³Elon, Timna, Ekron,

⁴⁴Elteke, Gibeton, Baalat,

⁴⁵Yehud, Beneberak, Gat-Rimon,

⁴⁶Me-Yarkon, Rakon, bo butá doman kon diug in Yope.

⁴⁷Intau mita in suku Dan ain kinobuḻian in tongosilai nongkon butá monia,[8] dá mosia in minayá kon Lesem bo nonubu kon kotá tatua. Mosia nokoagow, bo noḻimod kon intau mita inta nogutun kon tua, bo iḻitúan monia in kotá tatua. Dá nogutundon in mosia kon tua bo binaḷuaian monia in tangoi in kotá Lesem tatua nobaḻí kotá Dan, podudui in tangoi in mogoguyang monia.

⁴⁸Kotá mita bo ḻipú mita tatua noiukat kon bonu in butá inta inogoi kon motoḷuadí mita inta kon bonu in suku Dan sin mobaḻí kapunyaan monia.

⁴⁹Naonda in umat Israel nopaḷut nosilai kon butá kon tua, mosia nobogoi kon i Yosua adí i Nun tongosilai in butá sin mobaḻí kapunyaannea.

⁵⁰Ná inta ain pinarenta i TUHAN, mosia in nobogoi kon inia in kotá inta pinoigumnea, inta: Timnat-Serah kon buḷud in Epraim. Ki Yosua noposindog bui in kotá tatua, bodongka nogutun kon tua.

⁵¹Natuata in ki Imang Eleazar, ki Yosua adí i Nun bo tongguḷu mita in motoḷuadí kon bonu in suku mita kon bangusa Israel nosilai kon butá tatua takin nomaké in undi sin mopoigum in topotundú nongkon i TUHAN. Inaidan monia intua kon Silo kon tayowon in ngara in Ḷoḷaigan i TUHAN. Nopaḷutdon in pinosilaian kon butá tatua.