Read Mongondow YOSUA 21 Bible Online

YOSUA 21 - Mongondow bible

YOSUA 21

¹Kon singgaimai tobatú tongguḷu mita in motoḷuadí kon bonu in suku i Lewi minayá in Silo kon butá in Kanaan, bo minayá kon tayowon i Imang Eleazar, i Yosua adí i Nun, bo tongguḷu mita in motoḷuadí in bayongan suku bangusa in Israel. Mosia noguman, “Pinongin i Musa, ki TUHAN ain nomarenta sinbá kami, intau mita in Lewi, ogoian in kotá mita pogogutunan nami bo butá mita popokaanan in bobiagon kon diugmai in kotá mita sin popokaanan in bobiagon nami.”

³Dá intau in Israel dinumudui kon parenta i TUHAN. Nongkon butá kapunyaan monia tontaní, mosia nobogoi kon intau in Lewi in kotá mita inta ain sinantú takin butá mita popokaanan in bobiagon monia.

⁴Inta muna-munamai totok nokouḻí kon kotánea mita in motoḷuadí mita inta nongkon inanakan i Kehat kon bonu in suku Lewi. Motoḷuadí mita nongkon buí i Imang Harun inogoian in kotá mopuḷú bo toḷu nongkon butá in suku i Yohuda, i Simeon bo i Benyamin.

⁵Motoḷuadí mita nongkon inanakan i Kehat inogoian in kotá mopuḷú nongkon butá in suku Epraim, suku Dan bo suku Manasye inta kon dotá in toyopan kon Ongkag in Yordan.

⁶Inanakan i Gerson nokouḻí kon kotá mopuḷú botoḷú nongkon butá in suku Isakhar, Asyer, Naptali bo suku Manasye inta kon dotá in pomukaan kon Ongkag in Yordan.

⁷Motoḷuadí mita nongkon inanakan i Merari nokouḻí kon mopuḷú bodoyowá in kotá nongkon butá in suku i Ruben, i Gad bo i Zebulon.

⁸Natuata in pinososilai in intau in Israel kon kotá mita tatua takin butá popokaanan kon bobiagon monia pinongin undi[9] kon intau in Lewi, ná inta ain pinarenta i TUHAN pinongin i Musa.

⁹Nongkon inanakan i Kehat kon bonu in suku i Lewi, imang mita inta buí i Harun tua in muna-munamai notarima kon kotánea mita; mosia inogoian in kotá mopuḷú bo toḷu takin butá mita popokaanan in bobiagon monia, nongkon suku i Yohuda bo i Simeon, mosia notarima kon siow in kotá, tuata in: Libna, Yatir, Estemoa, Holon, Debir, Ain, Yuta, Bet-Semes bo Arba, inta sinangoian pinodudui kon tangoi i amá i Enak. Kotá tatua, inta masai naa sinangoiandon Hebron, in kotá pogogadopan tobatú inta kon buḷud in Yohuda. Gobá mita bo ḻipú mita in kotá tanaa aindon inogoi kon i Kaleb adí i Yepune sin mobaḻí butá kapunyaannea. Nongkon suku i Benyamin mosia in notarima kon opat in kotá, tuata in Gibeon, Geba, Anatot bo Almon.

²⁰Motoḷuadí mita nongkon inanakan i Kehat inogoian in mopuḷú in kotá takin butá mita popokaanan in bobiagon monia. Nongkon suku i Epraim mosia in notarima doman kon opat in kotá, tuata in Bet-Horon, Kibzaim, Gezer bo Sikhem, tobatú kotá pogogadopan kon buḷud in Epraim. Nongkon suku Dan mosia in notarima kon opat in kotá, tuata in Elteke, Gibeton, Ayalon bo Gat-Rimon. Nongkon suku Manasye inta kon dotá in toyopan mosia in notarima kon doyowa in kotá, tuata in Taanakh bo Gat-Rimon.

²⁷Suku tobatú nongkon inanakan ibanea kon bonu in suku i Lewi tuata in inanakan i Gerson. Motoḷuadí kon bonu in inanakan i Gerson tua inogoian in mopuḷú bo toḷu in kotá takin butá popokaanan in bobiagon monia. Nongkon suku i Manasye inta kon dotá in pomukaan mosia in notarima kon doyowa in kotá, tuata in Beestera bo Golan, tobatú kotá pogogadopan kon butá in Basan. Nongkon suku i Isakhar mosia in notarima kon opat in kotá, tuata in Kisyon, Dobrat, Yarmut bo En-Ganim. Nongkon suku i Asyer mosia notarima kon opat in kotá, tuata in Misal, Abdon, Helkat bo Rehob, Nongkon suku i Naptali mosia notarima kon toḷu in kotá, tuata in Hamat-Dor, Kartan bo Kedes, tobatú kotá pogogadopan kon Galilea.

³⁴Inanakan inta ki agatnea kon bonu in suku i Lewi, in inanakan i Merari, mosia in inogoian in kotá mopuḷú bodoyowá takin butá mita popokaanan in bobiagon monia. Nongkon suku i Zebulon mosia in notarima kon opat in kotá, tuata in Yokneam, Karta, Dimna bo Nahalal. Nongkon suku Ruben mosia notarima kon opat in kotá, tuata in Bezer, Yahas, Kedemot bo Mepaat. Nongkon suku i Gad mosia in notarima kon opat in kotá, tuata in Mahanaim, Hesybon, Yaezer bo Ramot, tobatú kotá pogogadopan kon Gilead.

⁴¹Dá nongkon butá mita inta nobaḻí kapunyaan in bayongan in bangusa Israel yo opat nopuḷú bo waḷu in kotá takin butá popokaanan in bobiagon inta kon diugneamai in inogoi kon intau mita in Lewi.

⁴³Natuata in pinobobogoi i TUHAN kon umat in Israel kon bayongan in butá inta ain pinodandi-Nea takin nongibot kon mogoguyang monia. Naonda in iḻimitú kon butá tatua, umat in Israel nogutundon notantú kon tua.

⁴⁴Dá podudui kon onu inta pinodandi i TUHAN kon mogoguyang monia, butá tatua nodame sin iḷukadan i TUHAN. Musung mita monia diá in tobatúmai in mokotaḷow kon i monia, sin ki TUHAN in nobogoi in kauntungan kon intau in Israel nongkon bayongan in musung monia.

⁴⁵Ki TUHAN noponotuu kon bayongan onu inta pinodandi-Nea kon umat in Israel; diábí tobatúmai in diá inintompodan-Nea.