Read Mongondow YOSUA 3 Bible Online

YOSUA 3 - Mongondow bible

YOSUA 3

¹Nopoikoḷomai kon singgai, ki Yosua bo bayongan umat in Israel nobangon subupa totok, bo nonaḷámai kon pinononḷoḷaigan monia kon Sitim, bo minayá in Ongkag in Yordan. Kon tua in mosia nononḷoḷaigan sin mogoḷat kon wakutu monia ḷumoḷan.

²Naonda in singgaidon noginggopat, itoi mita noḻibudon kon bayongan pinononḷoḷaigan,

³bo nopotaau in parenta tanaa kon umat in Israel, “Aka ontongon monimu kon imang mita momotaandon kon Poti Dodandian i TUHAN Allahmu, yo moiko in mobuat domandon monaḷámai kon tampat pinononḷoḷaigan tanaa. Duduidon kon Poti tatua,

⁴táe dika totok in dimiug kon Poti tatua, dudui nongkon tuminea tongá sigad monimu dapot in Poti tatua in tongo kilodon in koyayúnea. Dá kotaauandon monimu in daḷan inta bayáan monimu, sin moiko in diápa dodai in onda minayá in butá tanaa.”

⁵Ki Yosua noguman kon umat in Israel, “Moiko in musti mopotusi in awak, sin ikoḷom in ki TUHAN mogaid kon inta mokoherang kon yua-yuakmu.”

⁶Bo ki Yosua nomarenta kon imang mita mobuat kon Poti Dodandian tatua bo minayá inumuna kon umat in Israel. Bo inaidandon monia onu inta pinoguman i Yosua.

⁷Ki TUHAN noguman kon i Yosua, “Pinangkoi kon singgai in naa iko baḻíon-Kudon intau moḷoben dá bayongan intau in Israel mohoromatdon kon inimu bo kotaauandon monia kon Akuoi in kotaki-takinmu ná doman Akuoi nonakin kon i Musa.

⁸Tanaa in parentaaidon in imang mita inta momotaan kon Poti Dodandian tatua sinbá naonda in yaput monia kon ongkag, mosia in simindogdon kon tubig in ongkag tatua táe kon bingkíneapa.”

⁹Bo ki Yosua nogoiní kon intau mita in Israel, bo noguman, “Koḻigai bo indongogai in onu inta pinarenta i TUHAN Allahmu kon inimu.

¹⁰Aka moiko mayádon monubu, yo notantú bidon kon untunonbí i TUHAN in intau in Kanaan, Het, Hewi, Peris, Girgasi, Amori bo Yebus. Bo kon dodai in Poti Dodandian i TUHAN inta nomaḻí kon dunia naa ḷumoḷandon kon Yordan umuna kon i monimu, yo ontongondon monimu kon ki Allah inta nobiag in kon yua-yuakdon monimu.

¹²Tanaa in pomiḻídon in moiko kon intau mopuḷú bodoyowá — tumongobatú in kon tongosuku in bangusa Israel.

¹³Bain aka imang mita inta momotaan kon Poti Dodandian i TUHAN mopotobogdon in sioḷnea kon tubig in Ongkag in Yordan tatua, dá tubignea in mobontowdon; tubig inta nongkon uḷuannea in mobutongdon kon tampat tobatú.”

¹⁴Dodai intua in sempodon pobatunan kon bungai in boyó, bo ná biasamai tubig in Ongkag in Yordan noiḻebetdon. Naonda in intau Israel nonaḷámai kon pinononḷoḷaigan monia sin ḷumoḷandon kon Ongkag in Yordan, imang mita minayá inumuna kodia-dia in Poti Dodandian. Bo naonda in imang mita tatua mopotobogdon in sioḷ monia kon tubig in ongkag,

¹⁶dá kon dodaipa doman tuata torú in tubig tatua nobontow. Nongkon uḷuan in tubig noyayú in kinosipunan tubig, tubig nosipun kon Adam, kon kotá tobatú inta kon ḻimako in kotá in Sartan. Tubig inta kon sioḷan inta noiḻig ná Laut Mati nobontowdon, dá umat in Israel iḷumoḷandon kon butá noingkag noyogintayowan in kotá in Yerikho. Imang mita inta nomotaan kon Poti Dodandian tatua umuranpabí sinimindog mako kon yua-yuak in ongkag tatua nodapot in bayongan umat in Israel noiḷoḷandon komintan.