Read SEBR SÕNGO, 1998 Sɩngre 12 Bible Online

Sɩngre 12 - SEBR SÕNGO, 1998 bible

Sɩngre 12

¹Sẽn-Ka-Saab yeela a Abram yaa: «Yi n loog n bas f tẽngã, ne f ba-yirã, la f buudã n kẽng tẽng ning mam sẽn na n wilg foomã.

²Mam na n kɩtame tɩ fo lebg buud wʋsg ba, la m na n ning-f-la barka. Mam na n kɩtame tɩ f yʋʋrã yi, la m kɩt tɩ fo yɩ bark sore.

³Neb nins sẽn na n ning foom barka, mam na n ning-b-la barka. Ned ning sẽn na n kãab-a foom wẽnga, mam na n kãaba a soab wẽnga. Fo zug maasem yĩnga, dũniyã nebã buud fãa na n paama barka.»

⁴A Abram yiime n loog wa Sẽn-Ka-Saab sẽn dag n yeel yẽnda wã. La a Lot tũu yẽnda n looge.

⁵A Abram sẽn wa n yit Haran wã t'a rag n tara yʋʋm pis-yopoe la a nu. A Abram peega a pag a Sarayi ne a yao a Haran biig a Lote, la b wʋka b paoongã fãa, la b peeg neb nins fãa yẽnda sẽn dag n paam Haran tẽngã. Bãmb yiime n na n kẽng Kana tẽngã. La bãmb tõog n taa Kana soolmẽ wã.

⁶A Abram pɩʋʋga tẽngã hal n tɩ ta Moore terebẽnt tɩɩsã sẽn be Sɩkɛmã. Wakat-kãng tɩ yaa Kana nebã n dag n be soolem-kãng pʋga.

⁷Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

⁸La yẽnda yika beenẽ n viig a fu-roogã, n kẽng tãmsã sẽn be Betɛll tẽngã yaanga. Yẽnda tɩ tilga a fu-roogã Betɛll ne Ayi sʋka, tɩ Betɛll be nin-taoor tɩ Ayi be yaanga. A Abram mee tẽn-kugr beenẽ Sẽn-Ka-Saab yĩnga, n pʋʋs ne Sẽn-Ka-Saab yʋʋre.

⁹A Abram leb n yii beenẽ n tees Negɛɛv sẽnẽ, n kẽnd la a yalsd zĩig-zĩiga.

¹⁰Kom n wa n kẽ tẽngã, la a Abram yi n kẽng n tɩ zĩnda sãand Ezɩpt tẽnga. Bala, komã rag n namsda tẽngã wʋsgo.

¹¹La bãmb sẽn wa n kolg Ezɩpt tẽngã, a Abram yeela a pag a Sarayi yaa: «Ade, mam miime tɩ fo yaa pʋg-neer wʋsgo.

¹²Rẽ wã, Ezɩpt tẽng nebã sã n yãnd foom, b na n yeelame: ‹Yaa yẽnda paga.› La b na n kʋʋ maam la b bas foom.

¹³Mam kota foom tɩ f yeel tɩ fo yaa mam tão, tɩ b reeg-m neere, tɩ fo maasem yĩng bɩ m paam n põse.»

¹⁴La a Abram sẽn ta Ezɩpt tẽngã, Ezɩpt tẽngã neb yãame tɩ pagã sɩd yaa neer hal wʋsgo.

¹⁵La rĩm a Faarõ kug-zĩidbã sẽn yãnd pagã, b kẽng n tɩ pẽga pagã rĩm a Faarõ taoore. La b peega a Sarayi n wa rĩmã yiri.

¹⁶La b gesa a Abram yell neere, a Sarayi zug maasem yĩnga. Dẽ, bãmb kõo a Abram rũm-bãooneg ne rũm-bɛda. Bõense, ne yem-daoodo, la yem-pogse, ne bõn-yãanse la yʋgma.

¹⁷La a Abram pag a Sarayi poorẽ, Sẽn-Ka-Saab sɩbga a Faarõ ne a yirã rãmb fãa ne to-kãsemse.

¹⁸Dẽ, rĩm a Faarõ boola a Abram n yeele: «Yaa bõe tɩ fo maan maam a woto? Bõe yĩng tɩ fo ka togs maam tɩ pagã yaa fo paga?

¹⁹Bõe yĩng tɩ fo yeel tɩ yẽnda yaa fo tão. Fo sẽn maana kɩtame tɩ mam dɩk-a n na n maan m paga. Moasã, ad f pagã, peeg-a n yi n looge!»

²⁰A Faarõ kõo nebã noor tɩ b bas a Abram t'a loog ne a pagã, ne a sẽn so bũmb ninsã fãa.