Read SEBR SÕNGO, 1998 Sɩngre 36 Bible Online

Sɩngre 36 - SEBR SÕNGO, 1998 bible

Sɩngre 36

¹Ad a Ezayu b sẽn boond t'a Edomã roogo:

²A Ezayu rɩgsa a pagbã Kana kom-pugli wã sʋka. Yẽnda pagbã yaa a Ada sẽn yaa Hɛt ned a Elon bi-pugla, ne a Oholibama sẽn yaa Hevi ned a Sɩbeyõ ne a Ana bi-pugla,

³la a Basmat sẽn yaa a Ismayɛll bi-pugla n yaa a Nebayot tão-poakã.

⁴A Ada roga a Ezayu biig a Elifaaze, t'a Basmat rog a Rewuyɛlle.

⁵La a Oholibama roga a Yewuusi, a Yalam ne a Koore. Bãmb yaa a Ezayu kom-dibli nins a sẽn dog Kana soolmẽ wã.

⁶A Ezayu peega a pagbã ne a kom-dibli, la a kom-pugli wã ne neb nins fãa sẽn yaa yẽnda zakã nebã, ne a niigã la a rũmsã fãa, la a wʋk a paoongã a sẽn dag n paam Kana soolmẽ wã zãnga, n yi n loog n kẽng tẽng a to n zãag ne yẽnda yao a Zakoobe.

⁷Bala, bãmb laogã rag n yaa wʋsg tɩ bãmb ka tõe n zĩnd ne taab ye, sẽn paas me, tẽngã pʋg bãmb sẽn yaa sãamb a pʋgẽ wã rag n ka leb n sekd bãmb rũmsã sẽn yaa wʋsgã ye.

⁸Dẽ, a Ezayu tɩ zĩnda Seyɩɩr soolem ning sẽn be tãms sʋkã pʋga, la yaa a Ezayu n yaa Edom.

⁹Woto yaa a Ezayu sẽn yaa Edom buudã yaabã sẽn be soolem nins sẽn be tãmsã sʋkã yagense.

¹⁰Ad a Ezayu kom-dibli wã yʋy: Yaa a Ezayu pag a Ada biig a Elifaaze, ne a Ezayu pag a Basmat biig a Rewuyɛlle.

¹¹A Elifaaz kamb yaa a Teman, a Omaare, a Sefo, a Gatam ne a Kenaaze.

¹²A Timna rag n yaa a Ezayu biig a Elifaaz pʋg-rɩkdga. A Timna roga a Elifaaz biig a Amalɛke. Yaa a Ezayu pag a Ada kambã la woto.

¹³Ad a Rewuyɛll kamba: Yaa a Nahate, a Zeera, a Sama ne a Miiza. Yaa bãmb la a Ezayu pag a Basmat kamba.

¹⁴Ad a Sɩbeyõ biig a Ana bi-pugl a Oholibama sẽn yaa a Ezayu pagã kamba: Yẽnda roga a Ezayu kamba, a Yewuki, a Yalam ne a Koore.

¹⁵Ad a Ezayu yagensã nanambse. Ad a Ezayu bi-ribl-kãseng a Elifaaz kamba: Yaa naab a Tema, ne naab a Omaare, la naab a Sefo, ne naab a Kenaaze,

¹⁶la naab a Koore, ne naab a Gatam, n paas naab a Amalɛke. Yaa bãmb n yaa a Elifaaz kamb n yaa nanambs n be Edom soolmẽ wã. Yaa a Ada yagens la bãmba.

¹⁷Ad a Ezayu bi-ribl a Rewuyɛll kamba. Bãmb yaa naab a Nahate, naab a Zeera, ne naab a Hama n paas naab a Miiza. Bãmb yaa a Rewuyɛll kamb sẽn yaa nanambse, n be Edom soolmẽ wã. Bãmb yaa a Ezayu pag a Basmat kamba.

¹⁸Ad a Ezayu pag a Oholibama kamba. Yaa naab a Yewuki, naab a Yalam ne naab a Koore. Bãmb yaa a Ana bi-pugl a Oholibama sẽn yaa a Ezayu pagã kambã nanambse.

¹⁹Woto n yaa a Ezayu kambã ne b kambã sẽn yaa nanambsã. Yaa a Ezayu la b sẽn boond tɩ Edomã.

²⁰Ad Hoor ned a Seyɩɩr kambã sẽn yaa tẽngã nebã yʋya. Yaa a Lotan, a Soballe, a Sɩbeyõ, a Ana,

²¹a Dison, a Ɛtsɛɛre, ne a Disan. Bãmb yaa a Seyɩɩr kambã sẽn yaa Hoor nebã sẽn be Edom soolmẽ wã nanambse.

²²A Lotan kamb yaa a Hori ne a Eman. A Timna n yaa a Lotan tão-poaka.

²³Ad a Soball kamba: Yaa a Alvã, a Manahate, a Eballe, a Sefo ne a Onam.

²⁴Ad a Sɩbeyõ kamba: Yaa a Ava, ne a Ana. Yaa Ana-kãng n yãnd ko-bundum sẽn yaa tʋʋlg weoogã pʋga, wakat ning a sẽn wa n gũud a ba a Sɩbeyõ bõensã.

²⁵Ad a Ana kamba: Yaa a Dison ne a Ana bi-pugl a Oholibama.

²⁶Ad a Disan kamba: Yaa a Hemdan, a Ɛkban, a Yitran ne a Keran.

²⁷Ad a Ɛtsɛɛr kamba: Yaa a Bilhan a Zaavan ne a Akã.

²⁸Ad a Disan kamba: Yaa a Uts ne a Aran.

²⁹Ad Hoor nebã nanambse: Yaa naab a Lotan, naab a Soballe, naab a Sɩbeyõ, naab a Ana,

³⁰naab a Dison, naab a Ɛtsɛɛre, ne naab a Disan. Yaa bãmb n yaa Hoor nebã nanambse, n be Seyɩɩr soolmẽ wã.

³¹Ad nanambs nins sẽn dɩ naam Edom soolmã pʋgẽ wã. Yaa sẽn deng tɩ ned nan ka yɩ rĩm n soog Israyɛll nebã ye.

³²Nanambsã la woto: Yaa a Bewoor biig a Bela, n yɩ Edom naaba, la yẽnda tẽngã yʋʋr dag n boondame tɩ Dinhaba.

³³A Bela kiime t'a Botsra biig a Zeera biig a Zobaab reeg yẽnda zĩig n dɩ naam.

³⁴A Zobaab kiime tɩ Temna tẽngã ned a Husam reeg a zĩig n dɩ naam.

³⁵A Husam kiime t'a Bedaad biig a Hadaad reeg yẽnda zĩig n dɩ naam. Yaa yẽnda n zab ne Madiyã nebã n tõog-b Moaab weoogã pʋgã. Yẽnda tẽngã yʋʋr dag n boondame tɩ Aviti.

³⁶A Hadaad kiime, la Masreka ned a Samla reega yẽnda zĩig n dɩ naam.

³⁷A Samla kiime, la kʋɩlgã noor ned a Rehobot biig a Sayull n deeg yẽnda zĩig n dɩ naam.

³⁸A Sayull kiime, la a Akboor biig a Baall-Hanaan n deeg yẽnda zĩig n dɩ naam.

³⁹A Akboor biig a Baall-Hanaan kiime t'a Hadaar reeg yẽnda zĩig n dɩ naam. Yẽnda tẽngã yʋʋr dag n boondame tɩ Pawu, t'a pagã yʋʋr boondẽ t'a Mehetabeyɛlle. Yẽnda yaa a Mezahaad bi-pugl a Matrɛɛd bi-pugla.

⁴⁰Ad a Ezayu yagensã nanambs yʋy wa sẽn zems b rotã, la wa sẽn zems b soolmã, la wa b yʋyã sẽn yaa to-to wã. Yaa naab a Timna, naab a Alva, naab a Yetete,

⁴¹naab a Oholibama, naab a Ela, naab a Pinon,

⁴²naab a Kenaaze, naab a Teman, naab a Mibtsaare,

⁴³naab a Magdiyɛlle, ne naab a Iram. Woto n yaa Edom soolem nanambsã ne b zĩisi. Yaa a Ezayu sẽn yaa Edom nebã yaabã soolem.