Read SEBR SÕNGO, 1998 2 Sãmwɛlle 4 Bible Online

2 Sãmwɛlle 4 - SEBR SÕNGO, 1998 bible

2 Sãmwɛlle 4

¹A Is-Bosɛt sẽn wʋm t'a Abneer kii Ebrõ wã, yẽnda gĩina fãa maagame la Israyɛll nebã fãa yɛɛsame.

²A Is-Bosɛt rag n tara tãb-biis nanambs a yiibu. A yembr yʋʋr la a Baana, la a to wã yʋʋr la a Rekaabe. Bãmb yaa Benzame buudu, n yaa Beerot dao a Rimon kamba. B rag n geelgdame tɩ Beerot yaa Benzame buudã tẽng a yembre.

³Rẽ kitame tɩ Beerot nebã rag n zoe n tɩ kẽed Gitayim, la b paa be hal tɩ ta rũndã.

⁴A Sayull biig a Zonatã rag n tara biig sẽn yaa põore. Wakat ning nebã sẽn yi Zizreyɛll n wa togs a Sayull ne a Zonatã kũumã, tɩ biigã rag n tara yʋʋm a nu. Pag ning sẽn dag n yaa yẽnda yaoondã buk-a lame n na n zoe, la yẽnda yãgba pʋgẽ, biigã lʋɩɩme t'a naoã komse. Biigã yʋʋr la a Mefibosɛte.

⁵Beerot dao a Rimon kamb a Rekaab ne a Baana kẽnga a Is-Bosɛt yirã ne wĩntoogo, n tɩ mik t'a gãeeme n vʋʋsdẽ.

⁶Bãmb kẽe hal zakã yaanga, wa b rag n tara Oorz n watẽ, la bãmb soosame n kẽ n mik t'a Is-Bosɛt gãe a gãagẽ, la b kõsa a pʋgã. Dẽ, a Rekaab ne a yao a Baana yiime n zoe. Bãmb kʋ-a lame n fiuug a zugã n tall n loog n dɩk Araba tẽngã sore, n kẽn yʋngã tõre.

⁸Bãmb talla a Is-Bosɛt zugã n kẽng rĩm a Davɩɩd nengẽ Ebrõ n tɩ yeel-a yaa: «Ad yãmb bɛ a Sayull sẽn dag n dat n kʋ yãmba biig a Is-Bosɛt zugu. Rũndã Sẽn-Ka-Saab roka yãmb sũur ne a Sayulli, la ne a roogã.»

⁹Rĩm a Davɩɩd leoka Beerot dao a Rimon biig a Rekaab ne a yao a Baana yaa: «Mam wẽenda ne Sẽn-Ka-Saab sẽn vɩ wã sẽn fãag maam sũ-sãangã fãa pʋgẽ wã!

¹⁰Ned ning sẽn wa n togs-a maam a Sayull kʋʋrã rag n tẽedame t'a wa n taasa maam koe-noogo. La mam kɩtame tɩ b yõk-a n kʋ Siklaag n dol koɛɛg ninga yẽnda sẽn togsã.

¹¹Nin-wẽns na n yɩ a wãna, n tɩ kẽ nin-tɩrg roogẽ, n kʋ-a a gãagẽ, tɩ mam bas-ba, n ka rol-b b sẽn daag zɩɩmã yĩnga, n kɩt tɩ b menem dũni moasã?»

¹²A Davɩɩd kõ a kom-bɩɩsã noor tɩ b kʋ-ba. Kom-bɩɩsã yõga bãmb n fiuus b nusã ne b naoã, n tall-b n tɩ luul Ebrõ bãka noore. La b rɩka a Is-bosɛt zugã n mum a Abneer yaoogẽ wã Ebrõ.