Read SEBR SÕNGO, 1998 A Neemi 10 Bible Online

A Neemi 10 - SEBR SÕNGO, 1998 bible

A Neemi 10

¹Bõn-kãngã fãa yĩnga, tõnd Israyɛll nebã rɩkda sardo, la d gʋlsd-a-la sebr zugu. La seb-kãngã zugu, tõnd nanambsã, Leevi nebã, ne tõnd maan-kʋʋdbã ninga b nug-tikr bãnde.

²Ad neb nins sẽn tik b nus sebrã zugã yʋy: Yaa gʋvɛrneer a Neemi sẽn yaa a Hakaliya biigã, a Sedesiyaase,

³a Sereya, a Azariya, a Zeremi,

⁴a Pasewʋʋre, a Amariya, a Malkiiza,

⁵a Hatusi, a Sebaniya, a Maluki,

⁶a Harim, a Meremote, a Abdyaase

⁷a Dãniyɛlle, a Gineton, a Baruki,

⁸a Mesulam, a Abiya, a Miyamindi,

⁹n paas ne maan-kʋʋdb a Maziya, a Bilgayi, ne a Semaya.

¹⁰Leevi buudẽ wã, yaa a Azaniya biig a Zozoe, ne a Henadaad roogã ned a Binui, ne a Kadmiyɛlle,

¹¹ne a ba-biisã, sẽn yaa: A Sebaniya, a Hodiya, a Kelita, a Pelaya, a Hanan,

¹²a Miise, a Rehoobe, a Hasabiya,

¹³a Zakuuri, a Serebiya, a Sebaniya,

¹⁴a Hodiya, ne a Baani, la a Beninu.

¹⁵Nebã nanambsã yaa: A Paroose, a Pahat-Moaabe, a Elam, a Zatu, a Baani,

¹⁶a Buni, a Azgaade, a Bebayi,

¹⁷a Adoniza, a Bigvayi, a Adin,

¹⁸a Atɛɛre, a Ezekɩyaas, a Azʋʋre,

¹⁹a Hodiya, a Hasum, a Betsayi,

²⁰a Harifi, a Anatote, a Nebayi,

²¹a Magpiyaase, a Mesulam, a Hezɩɩre,

²²a Mesezabeyɛlle, a Sadoke, a Yaduwa,

²³a Pelatiya, a Hanan, a Anaya,

²⁴a Ooze, a Hananiya, a Hasuubi,

²⁵a Halowɛɛse, a Pila, a Sobɛke,

²⁶a Rewum, a Hasabna, a Maseya,

²⁷a Ahiya, a Hanande, a Anande

²⁸a Maluki, a Harim, ne a Baana.

²⁹La neb nins sẽn ketã sẽn yaa maan-kʋʋdbã, la Leevi buudã, ne rignoy gũudbã, la yɩɩn-yɩɩndbã, ne Wẽnnaam doogã tʋmtʋmdbã, la neb nins fãa sẽn welg b mens ne tẽngã bu-zẽms n sak Wẽnnaam tõogã, ne bãmb pagbã, la b kom-dibli wã ne b kom-pugli wã, ne neb nins sẽn tõe n wʋm bũmb võorã,

³⁰naaga b saam-biisã sẽn yaa nanambsã. Bãmb dɩka sardo, la b wẽen n kãab b mense, n yeel tɩ bãmb na n saka Wẽnnaam tõogã b sẽn tũnug b tʋmtʋmd a Moyiis n kõ bãmbã. Yaa sẽn na n yɩl n sak Sẽn-Ka-Saab sẽn yaa tõnd Zu-soabã no-tũudsã, la d kẽn wa sẽn zems no-tũud-kãense, la b sak bãmb tõodã ne b noyã fãa.

³¹Bõn-kãng yĩnga, tõnd pʋlemdame tɩ d ka na n dɩk d kom-pugli wã n kõ bu-zẽms tɩ b maan b pagba, la d ka na n peeg b kom-pugli wã me n kõ d kom-dibli tɩ b maan b pagb ye.

³²La tẽngã neb sã n wa ne b koosem, wall b bɩle buud toor-toor n na n koos vʋʋsg daarã ne daar sẽn welg toorã pʋgẽ, tõnd ka na n da ye. La yʋʋm a yopoe fãa, tõnd na n basa d pʋtã tɩ b vʋʋse, la d na n basa d sam-dãmbã taale, tɩ b ra yao b samã ye.

³³Sã n yaa ne tõnd mensã, tõnd yiisa noore, n yeel tɩ yʋʋmd fãa, tõnd na n kõo wanzuri wakɩ-koɛɛng a yembre, tɩ yɩ tõnd Wẽnnaamã roog zãab yĩnga.

³⁴Rẽ na n sõngame tɩ b ra bur n ning Wẽnnaam doogẽ wã, la b maan maand sẽn yõogd bugum, ne bõn-koaadl kũun daar fãa, la vʋʋsg daarã maoongo, la ki-paalgã tigr kũuni, wall tig a taaba. Sõng-kãngã leb n tõe n daa bũmb a taab n kõ Wẽnnaam, a leb n tõe n yɩɩ maoong Israyɛll nebã beegr sugr kũun yĩnga, la a tõe n sõnga ne tõnd Wẽnnaam doogã tʋʋmã fãa yĩnga.

³⁵La tõnd sẽn yaa maan-kʋʋdbã, ne Leevi buudã, la neb a taabã sẽn ketã, tõnd maana poeer n na n bãng buud fãa sẽn tog n tall raad n wa kɩs tõnd Wẽnnaam doogẽ wã, tɩ bala, yʋʋmd fãa, wakat n be, tɩ buud fãa tog n tall raad n wa ne tɩ b yõog maoongã bugum tõnd Wẽnnaam Sẽn-Ka-Saab tẽn-kugrã zugu, wa b sẽn gʋls tõogã sebr pʋgẽ wã.

³⁶Sẽn paas me, tõnd pʋlmame tɩ yʋʋmd fãa, tõnd na n yãka d tẽn-gãongã bõn-koaadlã dẽenem biisi, ne d tɩɩsã dẽenem biisi, n tall n wa kɩs Sẽn-Ka-Saab roogẽ wã.

³⁷Tõnd na n talla d kom-dibli wã kom-dẽemsã sẽn yaa raopã, ne d rũmsã kom-dẽemsã n wa kɩs tõnd Wẽnnaam doogẽ wã, la d wa kɩs maan-kʋʋdbã sẽn be beenẽ n maand tõnd Wẽnnaam tʋʋmdã, wa sẽn gʋls tõogã sebr pʋgẽ n yeel tɩ d tog n talla tõnd niigã, ne d piisã, la d bʋʋsã kom-dẽemsã n wa Wẽnnaam doogẽ wã.

³⁸Tõnd leb n na n yãka d zom-bãanegã ne d tɩɩsã fãa bi-sõamã wã, la d reezẽ rã-paalgã ne d kaamã n tall n tɩ kɩs maan-kʋʋdbã sẽn tʋmd tõnd Wẽnnaamã roogẽ wã. La d na n yãka d tẽn-gãongã bõn-koaadl piig pʋɩɩre, n kõ Leevi buudã. Yaa Leevi buudã n tog n kẽng b toor zĩis nins fãa tõnd sẽn koodã n tɩ rees bõn-kãnga.

³⁹Leevi buudã sã n yi n na n kẽng n tɩ rees piig pʋɩɩrã, bɩ a Aarõ buudã ned sẽn yaa maan-kʋʋd yãag bãmba, tɩ b yãk piig pʋɩɩrã piig pʋɩɩr n kɩs tɩ b wa ning tõnd Wẽnnaamã roogẽ wã, laogã bĩngr doog pʋga.

⁴⁰Bala, Israyɛll nebã ne Leevi buudã tog n yãka b koodã, ne b reezẽ rã-paalgã ne kaamã piig pʋɩɩr n wa kɩs laogã bĩngr rotẽ. Yaa beenẽ la zĩ-sõngã teed be, leb n yaa beenẽ la maan-kʋʋdbã yalsd n maand b tʋʋmdã, la zag-noy gũudbã ne yɩɩn-yɩɩndbã bee beenẽ. Woto, tõnd ka na n bas d Wẽnnaamã roog ye.