Read SEBR SÕNGO, 1998 A Ɛstɛɛre 10 Bible Online

A Ɛstɛɛre 10 - SEBR SÕNGO, 1998 bible

A Ɛstɛɛre 10

¹Rĩm a Asiruus yiisa yaood tõogo, soolmã ne tẽms nins sẽn be ko-kãsengã sʋkã yĩnga.

²Rĩmã pãngã ne a gandaalmã tʋʋmã fãa, ne rĩmã sẽn zẽk a Mardoose to-to wã gʋlsa Meed ne Pɛrs-rãmbã soolem rĩm-dãmb kibayã sebr pʋga.

³Bala, zʋɩf a Mardoose rag n yaa rĩm a Asiruus na-pʋgdg soolmã pʋga. A Mardoose rag n yaa Zʋɩf-rãmbã sʋk nin-kãsenga, la a buudã nebã fãa rag n nong-a lame. A Mardoose rag n baooda a buudã neb ne neere, la a gomdame n baoodẽ t'a buudã neb paam vɩ-bãane.