Read SEBR SÕNGO, 1998 A. Zoobe 12 Bible Online

A. Zoobe 12 - SEBR SÕNGO, 1998 bible

A. Zoobe 12

¹A Zoob leokame n yeel yaa:

²«Yaa sɩda, yãmb bal la nebã, la yãmb sã n ki, yam me na n kiime!

³Mam me tara bãngr wa yãmba, la yãmb ka yɩɩd maam ye. Ãnda n pʋs n be n ka mi bõn-bãmbã?

⁴Mam lebga m zo-rãmbã bõn-laadga, b yetame: A bool Wẽnnaam tɩ b na leok-a. Nin-tɩrgã, burkĩnã lebga nebã bõn-laadga!

⁵Yaoolg ne paoogre! Woto n lebg neb nins sẽn tar-b sũ-noogã tagsgo, yaa toog neb nins nao sẽn digd tɩ b rat n lʋɩ wã yĩnga.

⁶Fãadbã yaool n be b zagsẽ tɩ yɩɩr ka ye, sẽn beegd-b Wẽnnaamã vɩɩ bãane, n maand b sẽn dat ne Wẽnnaam.

⁷M kot-f lame tɩ f sok rũmsã tɩ b na zãms-fo, sok yĩngr liuuli wã tɩ b na togs-fo.

⁸Gom ne tẽngã t'a na zãms-fo. La ko-kãsengã zĩma na togs-fo.

⁹Bãmb fãa sʋkã, ãndã n ka mi? Ãnda n ka mi tɩ yaa Sẽn-Ka-Saab n maan bõn-kãensã fãa?

¹⁰Bõn-vɩɩsã fãa vɩɩm bee bãmb nugẽ, la ninsaal buud fãa vʋʋsem saga b nugẽ.

¹¹Tʋbr yaa goam kelgr yĩnga, wa ragsendak sẽn yaa rɩɩb deegr yĩngã.

¹²Yam bee nin-kẽembã nengẽ, la yõ-wok wata ne bãngre.

¹³Yam la pãng bee Wẽnnaam nengẽ. Wẽnnaam n so saglg ne bãngre.

¹⁴Wẽnnaam sã n siig bũmbu, ned ka tõe n lebs n me-a ye. Bãmb sã n pag neda, a pakd ka ye.

¹⁵Bãmb sã n gãd sa-koomã, bũmbã fãa kʋɩtame. La b sã n bas-a t'a ni, a kãagda dũniyã.

¹⁶Yam la pãng bee Wẽnnaam nengẽ. Yaa bãmb n so sẽn menem-a wã, la b so sẽn menesd-a neb a taabã.

¹⁷Bãmb n kɩtd tɩ sagendb loog nao-zaala. La b kɩt tɩ bʋ-kaoodb yam meneme.

¹⁸Bãmb yolsda rĩm-dãmbã sẽn sẽb-b rãmbã. La b sẽb rĩm-dãmb sees ne sẽbds n dems-ba.

¹⁹Bãmb kɩtdame tɩ maan-kʋʋdbã loog nao-zaala. Bãmb lubda neb nins sẽn tẽed tɩ b tara pãng tɩ sekã.

²⁰Bãmb n kɩtd tɩ gom-mitbã goam sɛtẽ, la b kɩtdẽ tɩ nin-kẽembã bãngr sɛtẽ.

²¹Bãmb ningda nanambs yãnde. Bãmb n kɩtd tɩ pãens rãmbã sees sẽbds logsdẽ.

²²Bãmb kɩtdame tɩ sẽn be lik bida pʋgẽ puki, la b kɩtdẽ tɩ sẽn yaa lik tuu lebg vẽenem.

²³Bãmb n kɩtd tɩ buud lebg kãsenga, bãmb n tõe n kɩt t'a menem. Bãmb tõeeme tɩ buud sãeeg n kẽng sẽn zãrẽ, Bãmb n tõe n kɩt t'a lebg n wa.

²⁴Bãmb deega dũniyã nebã rĩm-dãmbã bãngre, bãmb kɩtame tɩ b yeebd vɩʋʋgẽ n ka mi sor ye,

²⁵la b babend lik pʋgẽ tɩ vẽenem ka ye. La b kɩt tɩ b saad n lengd wa neb sẽn yũ rãam n tuumdẽ.»