Read SEBR SÕNGO, 1998 A. Zoobe 4 Bible Online

A. Zoobe 4 - SEBR SÕNGO, 1998 bible

A. Zoobe 4

¹Tema tẽng rao a Elifaaz leoka a Zoob yaa:

²«Ned sã n yeel foom tɩ bũmbu, f sũur ka na n sãam n paas sɩda? Ned tõe n sĩnda a noor n ka gom sɩda?

³Ade, fo zãmsa neb wʋsgo, la f keng pãn-koms dãmb pelse,

⁴fo goam dag n paasda sẽn lengd-bã raoodo, fo rag n paasda neb nins pãng sẽn sɛ wã pãnga.

⁵La moasã, sẽn ta foomã, fo raoodã boogame! Moasã, bõn-kãng sẽn paam foomã, rabeem yõka foom!

⁶Fo sẽn tũud Wẽnnaamã ka kengd fo pɛlg la? Ka fo sẽn kẽnd ne burkĩndã la f teegr la?

⁷Mam kotame tɩ f tags n gese, bʋʋm soab a bõe la yell loog ne? Wall fo zoe n yãnda nin-tɩrs sẽn sãam sɩda?

⁸Mam sẽn yãnde, yaa tɩ tʋʋm-wẽns maandbã, ne sẽn maand-b neb a taab pãngã, yaa b mens bal la b maanda.

⁹Wẽnnaam sã n fʋʋs bãmb bala, b menemdame, Wẽnnaam sũ-puugrã sobg sãamd-b lame.

¹⁰Gɩgemd kɛleng sɛɛme, we-rũm-wẽns yãbr sɛɛme, gɩgem-poal yẽn kaoome.

¹¹Gɩgemd sã n ka paam bũmb n yõke, a na n kiime, la gɩgem-yãang kamb sãeegdame.

¹²B gomda bʋr-bʋr tɩ tat maam, mam meng tʋbr n wʋm tɩ b gomda.

¹³Yʋng zãmsd sẽn namsd-m wakatã, nebã sẽn wa n be gõeem pʋgẽ wã,

¹⁴rabeem kãseng n yõk maam, tɩ mam kõabã fãa rigimdi.

¹⁵Bũmb n fʋʋs mam nengã wa sebgo, la mam yĩn-kõabnengã fãa yikame.

¹⁶Mam yãnda ned sẽn yase, mam dag n ka mi a sẽn wẽnd bũmb ning ye. Mam ninã rag n nee a naandã bala.» Dẽ, fãa sẽn yaa sɩɩ wã pʋga, mam wʋma koɛɛg sẽn yeel yaa:

¹⁷«Sẽn yaa kiid buudã fãa tõe n yɩɩ tɩrg n yɩɩd Wẽnnaam bɩ? Ninsaal tõe n yɩɩ yɩlemd n yɩɩg a naandã la?

¹⁸Wẽnnaam sã n ka kɩs sɩd ne b tʋmtʋmdbã, la sã n yaa tɩ Wẽnnaam yãnda kongr bãmb malɛɛk-rãmbã meng nengẽ,

¹⁹ninsaal sẽn maan ne tãndã na n yeelame tɩ bõe, bala, b talla tẽng tom n naan bãmba! B neemda bãmb tao-tao wa mogdo!

²⁰Yibeoog n tãag zaabr tɩ b zersa bãmba, bãmb na n menema wakat fãa yĩng tɩ ned toog ka ye.

²¹B kʋʋgda yẽnda fu-roogã wĩiri[3], la bãmb kiidame n ka tol n paam yam ye.»