Read SEBR SÕNGO, 1998 A. Zoobe 41 Bible Online

A. Zoobe 41 - SEBR SÕNGO, 1998 bible

A. Zoobe 41

¹Gese, baa ned pãng sã n waoogẽ, a ka tõe n kolg parwẽnd ye. Yẽnda sã n yãnd-a bala, a na n lʋɩɩ tẽnga.

²Ned ba a ye ka tar raood n tõe n yik Parwẽnd ye. Dẽ, ãnda soab n tõe n yals mam taoore.

³Ãnda soab n peng maam tɩ m tog n lebs-a? Bũmb nins fãa sẽn be tẽng zugã yaa maam n so.

⁴Mam ka na n sĩnd m noor n ka gom parwẽndã yĩng yell ye. Mam na n goma a pãng tʋʋmã ne a ra-sãndã la a yasrã yelle.

⁵Ãnda soab n tõog n yeeg a fuugã? Ãnda n tõe n yaag a yɛgã?

⁶Ãnda soab n tõe n kɩt t'a yaag a noore? A yẽnã bee a noorẽ tɩ nebã zoet-a.

⁷A poorã ra-pegd yaa kãenkãe n sũg taab sõama wa kugri.

⁸A ra-pegdã sẽga taab hal tɩ pemsem ka tõe n kẽ ye.

⁹Bãmb sẽga taab n lebg wa ra-peg-yende, tɩ bũmb ka tõe n welg-b ye.

¹⁰Yẽnda tĩsgã kɩtdame tɩ vẽenem yãgda. A ninã wẽnda wa zĩ-yẽegr vẽenem.

¹¹Bug-witim n yit a noorẽ wã. Bug-pãars n yit beenẽ n zẽkdẽ.

¹²Bug-zõos yita a yõ-bogdẽ wã, wa rʋk sẽn be yɩgr zug n kɛɛda.

¹³A sã n vʋʋsdẽ, bugum yita a yõorẽ. Bug-witim yita a noorẽ wã.

¹⁴Yẽnda pãngã be a yublẽ wã. Ned sã n yãnd-a, rabeem yõkda a soaba.

¹⁵A yĩngã tõr sũga taab kãenkãe wa kugri. A tẽenemame n yaa kegemd n ka miimdẽ ye.

¹⁶A sũurã kegma wa kugri. A yaa kãenkãe wa neer kugri.

¹⁷Yẽnda sã n yiki, rabeem yõkda pãens rãmbã, la b ningda tĩig n sãeege.

¹⁸Ned sã n zabd ne-a ne sʋʋga, wall ne kãnd bɩ ne kãn-dibga, wall gãn-tika, yaa zaalem.

¹⁹Yẽnda geta kut wa moogo, la a get zũud wa ra-põosgo.

²⁰Pɛɛm ka tõe t'a zoe ye. Loaabg kug yaa wa wudg ne yẽnda.

²¹Yẽnda geta gʋlg wa moogo. B sã n tãood yẽnda ne kãn-dibga a laadame.

²²Parwẽndã tẽngrã yaa wa kug-sɩlemse. La wẽnda wa yẽnda vuuda wãg-koaadg begd zugu.

²³A kɩtdame tɩ ko-kãsengã kɛɛd wa rʋko, la a tekd ko-kãsengã t'a lebg wa tɩdar kaam sẽn kɛɛd rʋk pʋgẽ.

²⁴Yẽnda sẽn pɩʋʋgẽ fãa, koomã pɩndame. Ko-puudã yaa pɛɛlg wa nin-kẽem zug sẽn pelge.

²⁵Dũniyã zugu, yẽnda ka tar to ye. B naan-a lame t'a ka mi rabeem ye.

²⁶Yẽnda paoogda bõn-vɩ-kãsemsã fãa. Yẽnda yaa rũm-kãsemsã fãa rĩmã.