Read SEBR SÕNGO, 1998 A. Zoobe 8 Bible Online

A. Zoobe 8 - SEBR SÕNGO, 1998 bible

A. Zoobe 8

¹Suhit tẽng rao a Bildaad yeelame:

²Fo na n goma a woto hal tɩ ta dabʋre, fo noorã goam sẽn yaa wa sob-raoogã na n talla a woto n tãag dabʋre?

³Wẽnnaam na n sak n bʋʋ bʋʋd kegr la? Pãng-Soabã na n sak n golma tɩrlem sɩda?

⁴Fo kambã sã n beega Wẽnnaam, bãmb bas-b lame tɩ kɩɩsgã rɩ-ba.

⁵La sã n yaa tɩ fo baooda Wẽnnaam, fo sã n bõos Pãng-Soabã,

⁶fo sã n ka tar yelle, la f sã n be zemsg pʋga, moas-moasã bala, bãmb na n gesa f yell n leb lebs foom f tɩrlmã zugu.

⁷Fo sẽn yɩ a soab sɩngrã yaa zaalem, fo sẽn na n yɩ a soab baoosgã na n yɩɩ kãseng n yɩɩg rẽndã.

⁸Sok zamaan nins sẽn loogã n gese, maag f meng n ges bãmb yaab-rãmbã sẽn paam bãngr ningã yelle.

⁹Bala, tõnd nan doga zaamẽ bala, n ka mi baa fɩ ye. Tõnd dasmã dũni zug yaa wa sulunsuk bala.

¹⁰Bãmb ka kõt foom zãmsg sɩda? Pĩnd dãmbã na n pelga b pʋg ne foom n yeele:

¹¹«Tãnwĩis yitame tɩ ka bãoog noor sɩda? Rudum bɩtame tɩ ka koomẽ sɩda?

¹²A sẽn ket n yaa maasrã, baa b sã n ka keeg-a, a kʋɩta tao-tao n yɩɩd mood a taabã fãa.

¹³Woto n na n paam neb nins sẽn yĩmd Wẽnnaam yellã, la nin-wẽng tẽeb na n sãamame.

¹⁴Yẽnda sẽn dag n teeg bũmb ningã na n wãame, bala, yẽnda sẽn dag n teegã yaa sʋlg gaam-gaame.

¹⁵Yẽnda rella a roogã, la roogã ka tõe n yals ye. Yẽnda na n gĩda rẽndã kãenkãe, la a ka na n yals ye.

¹⁶Yẽnda sẽn tar sũma, n be wĩnto-raagẽ, yẽnda yɛdgda a wilã n lut zẽedã zĩiga,

¹⁷yẽnda yẽgã gaama taab kug-rʋrã sẽgsẽ, yẽnda yẽgã kẽeda pĩisã sẽgsẽ.»

¹⁸B sã n võog-a zĩig ning a sẽn dag n be wã, zĩigã na n kɩɩsame n yeel yaa: «Mam zɩ n yãnd bũmb zĩ-kãngã ye!»

¹⁹Sẽn yĩmd-b Wẽnd yellã vɩ-noogã baoosg yaa a woto. Dẽ, neb n na n puk tom-kãngã pʋg n deeg b zĩiga.

²⁰Ayo! Wẽnnaam ka basd burkĩn ye, la bãmb kõn tol n sõng nin-wẽns ye.

²¹Bilf sã n paase, bãmb na n pidsa f noorã ne laado, tɩ f no-bɩmsã pid ne kilsgu.

²²Fo bɛɛbã na n dɩɩ yãnde. Nin-wẽns rot na n menemame.