Read SEBR SÕNGO, 1998 Yɩɩn‑sõamyã 121 Bible Online

Yɩɩn‑sõamyã 121 - SEBR SÕNGO, 1998 bible

Yɩɩn‑sõamyã 121

¹Zeruzalɛm kẽnd yɩɩlle. Mam zẽka m neng n get tãmsã. «Mam sõngr na n yii yɛɛnẽ n wa?

²Mam sõngr yita Sẽn-Ka-Saab nengẽ.» Bãmb n yaa yĩngr la tẽng naanda.

³Bãmb kõn bas tɩ f naoor lak ye. Sẽn gũud-a foomã ka suusd ye.

⁴Ayo! Sẽn gũud-a Israyɛllã ka suusdi, tɩ b gomd gõeem ye.

⁵Sẽn-Ka-Saab yaa fo gũuda, Sẽn-Ka-Saab bee fo rɩtgo, bãmb yaa maasem fo yĩnga.

⁶Wĩndga, wĩntoogã ka na n wẽ foom ye. La yʋngo, kiuug vẽenem kõn wa ne yell fo zug ye.

⁷Sẽn-Ka-Saab na n gũu foom ne wẽng buud fãa, bãmb na n gũu fo vɩɩmã.

⁸Sẽn-Ka-Saab na n gũu foom, b na n gũu foom f yiibu, n tãag f kõom, sẽn sɩng ne moasã, la wakat sẽn ka sɛta.