Read SEBR SÕNGO, 1998 Yɩɩn‑sõamyã 26 Bible Online

Yɩɩn‑sõamyã 26 - SEBR SÕNGO, 1998 bible

Yɩɩn‑sõamyã 26

¹A Davɩɩd yɩɩlle. Sẽn-Ka-Saabo, bɩ y kao mam bʋʋdo, bala, mam kẽnda burkĩnd pʋga, Sẽn-Ka-Saabo, mam teega yãmba, la mam kõn tol n miim ye!

²Sẽn-Ka-Saabo, bɩ y fees maam, la y mak maam. Mak-y mam sũurã tagsgã.

³Bala, mam ninã nee yãmb nonglmã, la mam kẽnda yãmb sɩdã pʋga.

⁴Mam ka zĩndid ne zĩrẽ-yagdbã ye. Mam ka tũud zãmb dãmbã ye.

⁵Mam kisa tʋʋm-wẽns maandbã. Mam ka zĩndid ne nin-wẽnsã ye.

⁶Sẽn-Ka-Saabo, mam pegsda m nus n wilgdẽ tɩ m ka maan yell ye. Mam gilgda yãmb tẽn-kugrã.

⁷Mam zẽkda m koɛɛg n pʋʋsd barka, la m na n togs nebã yãmb bõn-bãnã fãa.

⁸Sẽn-Ka-Saabo, mam nonga roog ning yãmb sẽn be a pʋgã, zĩig ning yãmb ziirã sẽn beẽ wã.

⁹Da-y naag-y maam ne yel-wẽn-maandbã ye. La y ra naag-m ne nin-kʋʋdbã ye.

¹⁰Bãmb nus tʋmda tʋʋm-beedo, b nug-rɩtg pida ne zãmb kũuni.

¹¹Mam kẽnda ne burkĩndi, yols-y maam, la y zoe m nimbãanega.

¹²Mam yasa tɩrg m nao zutu, mam na n pʋʋsa Sẽn-Ka-Saab barka, nebã tiging pʋga.