Read SEBR SÕNGO, 1998 Yɩɩn‑sõamyã 3 Bible Online

Yɩɩn‑sõamyã 3 - SEBR SÕNGO, 1998 bible

Yɩɩn‑sõamyã 3

¹A Davɩɩd yɩɩlle, a sẽn wa n zoet n na n põs a biig a Absalomã wakate.

²Sẽn-Ka-Saabo, ad-y mam zabd-n-taasã yaa wʋsgo. Sẽn maand-b maam wẽngã sõor yaa wʋsgo.

³Neb wʋsg gomda mam yell n yetẽ: «Yẽnda Wẽnnaamã ka na n fãag-a ye.»

⁴Yãmb a Sẽn-Ka-Saab yaa gãong sẽn lilld maam, yãmb yaa mam ziiri, la m zu-zẽkre!

⁵Mam zẽkda m koɛɛg n kelemd n boond Sẽn-Ka-Saabo, bãmb zĩndida b tãn-sõngã zug n leokd maam!

⁶La maam, mam gãandedame n gũsi, mam nekdame, bala, Sẽn-Ka-Saab n kõt maam vɩɩm.

⁷Mam ka yɛɛsd kʋʋn-kãngã ye. Bãmb gũbga maam zĩigã fãa n dat n zab ne maam.

⁸Mam Sẽn-Ka-Saabo, yik-y-yã! Wẽnnaam, fãag-y maam! Yãmb pãbda mam bɛɛbã fãa pegse, yãmb kaooda nin-wẽnsã yẽna.

⁹Sẽn-Ka-Saabo, yãmb n yaa fãagda. Bɩ yãmb barkã zĩnd y nebã zugu.