Read SEBR SÕNGO, 1998 Yɩɩn‑sõamyã 39 Bible Online

Yɩɩn‑sõamyã 39 - SEBR SÕNGO, 1998 bible

Yɩɩn‑sõamyã 39

¹A Davɩɩd yɩɩlle, yɩɩlã naab a Yedutun yĩnga.

²Mam yeelame yaa: «Mam na n gũusa ne m yel-manesem, n da wa beeg ne m noorã goamã ye. Nin-wẽngã sã n be m sɛɛgẽ, mam na n ninga m noorã salbre.»

³Dẽ, mam sĩnda m noor n ka gomd ye. Mam sĩndame, la m ka tar sũ-noog ye. Mam toogã looga nugu.

⁴Mam sũurã rag n yõogda m pʋgẽ, mam wõosdame tɩ rɩt maam wa bugum. Dẽ, mam wa n baas n gomame.

⁵Sẽn-Ka-Saabo, kɩt-y tɩ m bãng m baoosg sẽn na n yɩ to-to, la y wilg maam m dasmã sõore. Kɩt-y tɩ m bãng tɩ m yaa bõn-loaagdg bala.

⁶Ade, yãmb kɩtame tɩ m vɩɩmã woglem ka yɩɩd nug-pʋg ye. La mam vɩɩmã woglem yaa wa walem bal yãmb taoore. Yaa sɩda, ninsaal buudã fãa yaa wa pemsem bala.

⁷N-yẽe! Ninsaal kẽnã fãa yaa wa sulunsuk bala, yẽnda tãnd-tãndã fãa yaa zaalem! Yẽnda baood n zamdame, la a ka mi ned ning sẽn na n soog-a ye.

⁸Zu-soaba, mam na n maana tẽeb ne bõe moasã? Mam na n maana tẽeb ne yãmb bala.

⁹Fãag-y maam ne m yel-wẽnã fãa! Ra bas-y-m tɩ yalem paoog-m ye!

¹⁰Mam kell n sĩndame, n ka yaagd m noor ye. Bala, yãmb n sak tɩ yɩ a woto.

¹¹Ra leb-y n pãb-y-m ye! Yãmb nugã pãbr koms-m lame.

¹²Yãmb lengda ninsaal n demsd-a, a beegrã yĩnga. Yãmb sãamda yẽnda sẽn nong bũmb ningã, wa yõgdr sẽn dɩt bũmbu. Ninsaal buudã fãa yaa wa walem bala!

¹³Sẽn-Ka-Saabo, wʋm-y mam pʋʋsgã, kɩll-y y tʋbr n kelg m sẽn boond yãmb n kot sõngrã! Bɩ y ra sĩnd y noor mam yãbrã pʋg ye. Bala, mam yaa sãan yãmb taoore. Mam yaa nin-loaagdg wa m yaab-rãmbã.

¹⁴Wẽnemd-y n bas-y-m tɩ m noor tõe leb n paam laado, sẽn deng m sẽn na n loog n ka leb n beẽ ye!