Read SEBR SÕNGO, 1998 Yɩɩn‑sõamyã 52 Bible Online

Yɩɩn‑sõamyã 52 - SEBR SÕNGO, 1998 bible

Yɩɩn‑sõamyã 52

¹A Davɩɩd yɩɩlle. Yaa yɩɩlã naab yĩnga.

²Yaa wakat ning Edom tẽng rao a Doɛɛg sẽn wa n togs a Sayull t'a Davɩɩd zoe n kẽnga a Ayimelɛk yirã.

³Gãndaoogo, bõe yĩng tɩ fo pẽgd f meng wẽng maaneg pʋgẽ? Wẽnnaam nonglmã paada wakat fãa.

⁴Fo zelemdã saagda wẽng maaneg bala, la a rɩta wa barg sẽn saase, fo yaa zãmb soaba!

⁵Fo nonga wẽng n yɩɩd sẽn yaa sõama, la f nong zĩrẽ n yɩɩd sɩd goamã.

⁶Fo nong n gomda goam sẽn sãamd sũuri, la f yaa zãmb soaba!

⁷Woto me, Wẽnnaam me na n sãam-f-la wakat fãa yĩnga. B na n lub-f lame, n vuug-f n yiis f fu-roogẽ wã. B na n yiisa foom nin-vɩɩsã sʋka.

⁸Dẽ, nin-tɩrsã na n yãnda rẽndã, n zoe rabeem, la b na n laa yẽnda n yeele:

⁹«Ges-y ned ning sẽn dag n ka baood tɩ Wẽnnaam yɩɩ a pãng zĩigã, ned ning sẽn dag n teeg a meng arzɛg-bɛdã, n dag n maand wẽng n kogend a mengã!»

¹⁰La sã n yaa ne maam, mam bee Wẽnnaam doogẽ wã, wa Oliiv tɩ-polle, mam teega Wẽnnaam nonglmã daar fãa la wakat sẽn kõn sɛ.

¹¹Mam na n pʋʋsa yãmb bark wakat fãa y tʋʋmã yĩnga. Mam na n tẽe yãmb yʋʋrã. Bala, yãmb maanda neb nins sẽn nong yãmbã neere.