Read SEBR SÕNGO, 1998 Yɩɩn‑sõamyã 53 Bible Online

Yɩɩn‑sõamyã 53 - SEBR SÕNGO, 1998 bible

Yɩɩn‑sõamyã 53

¹A Davɩɩd yɩɩlle. Yɩɩnda ne meenem. Yaa yɩɩlã naab yĩnga.

²Yalem yeta a sũurẽ yaa: «Wẽnnaam ka be ye.» Bãmb lebga nin-wẽnse, n tʋmd tʋʋm-beedo. Ned ba a yembr ka be n maand neer ye.

³La Sẽn-Ka-Saab bee saasẽ, n sulg n get ninsaalbã, n dat n bãng ned sã n bee bãmb sʋkã n tar yam n baood Wẽnnaam.

⁴Bãmb fãa bʋdgame n dɩk wẽng sore. Bãmb ned ba a yembr ka be n maand neer ye. Nin-yɛng meng ka be ye.

⁵Rẽ yĩnga, tʋʋm-wẽns maandbã fãa ka tar bãngr la? Bãmb dɩta mam nebã wa b sẽn dɩt rɩɩbo. Bãmb ka tol n pʋʋsd Wẽnnaam ye.

⁶Woto yĩnga, rabeem na n yõka bãmba, tɩ yaool n dag n ka sek rabeem ye. Wẽnnaam na n sãeega sẽn zabd-b ne foomã kõaba. Fo na n ning-b-la yãnde, bala, Wẽnnaam bas-b lame.

⁷Ãnda n na n zĩnd Sɩyõ n fãag Israyɛlle? Wẽnnaam sã n kɩt tɩ b nebã sẽn dag n be yembd pʋgã lebg n wa, a Zakoob yagensã na n kɩdmame, Israyɛll nebã na n maana sũ-noogo.