Read SEBR SÕNGO, 1998 Yɩɩn‑sõamyã 54 Bible Online

Yɩɩn‑sõamyã 54 - SEBR SÕNGO, 1998 bible

Yɩɩn‑sõamyã 54

¹A Davɩɩd yɩɩlle. Yɩɩnda ne yʋʋm-teed sẽn tar susi. Yaa yɩɩlã naab yĩnga.

²Yaa Zɩf tẽng nebã sẽn wa n togs a Sayull t'a Davɩɩd wa n soonda bãmb nengẽ wã.

³Mam Wẽnnaam, fãag-y maam y yʋʋrã yĩnga. Kao-y m bʋʋdã n kõ-ma, n wilg tɩ y tara pãnga!

⁴Mam Wẽnnaam, wʋm-y mam pʋʋsgã. Kɩll-y y tʋbr n kelg m noorã goamã!

⁵Bala, sãamb n yik n zabd ne maam, nin-wẽns n baood n dat n kʋ maam. Nin-bãmb toog ka tol n be ne Wẽnnaam ye.

⁶La Wẽnnaam n yaa mam sõangda, Zu-soabã bee ne neb nins sẽn teend maamã.

⁷Wẽnnaam, bɩ y kɩt tɩ wẽngã leb m bɛɛbã. Yãmb pʋ-peelmã yĩnga, bɩ y menes-ba!

⁸Mam na n maana maand ne yamleoog n kõ yãmba, Sẽn-Ka-Saabo, mam na n pẽga yãmb yʋʋrã, bala, yãmb yʋʋrã yaa sõngo.

⁹Bala, yãmb fãagda maam yel-pakr buud fãa pʋga, la mam bɛɛbã lebga bõn-getse.