Read SEBR SÕNGO, 1998 Yɩɩn‑sõamyã 61 Bible Online

Yɩɩn‑sõamyã 61 - SEBR SÕNGO, 1998 bible

Yɩɩn‑sõamyã 61

¹A Davɩɩd yɩɩlle, yɩɩlã naab yĩnga. Yɩɩnda ne yʋʋm-teoog sẽn tar susi.

²Wẽnnaam, wʋm-y mam kɛlengã, kelg-y mam pʋʋsgã!

³Mam bee dũniyã yaang n boond yãmb m sũ-sãangã pʋg n kot sõngre. Tɛ-y maam n dʋʋs pĩig zãntlem sẽn yɩɩd mam sẽn tõe n dʋ zugu!

⁴Bala, yãmb yaa mam zĩ-soalgdga, yãmb yaa mam pãng zĩig bɛyã taoore.

⁵Mam dat n zĩnda yãmb fu-roogẽ wã wakat fãa, la m soond yãmb pɩgsã tẽngre.

⁶Bala, yãmb a Wẽnnaam wʋmda mam pʋlengã, yãmb kõo maam pʋɩɩr ning sẽn yaa neb nins sẽn zoet yãmb yʋʋrã rẽndã.

⁷Paas-y rĩmã rasem sõore. Kɩt-y t'a vɩɩmd n kaoos zamaan woo zamaane!

⁸Bɩ a rɩ naamã Wẽnnaam taoor wakat fãa! Kɩt-y tɩ yãmb nonglmã ne y sɩdã gũ-a!

⁹Dẽ, mam na n yɩɩl n pẽga yãmb yʋʋrã wakat fãa, la m na n pidsa m pʋlengã daar fãa.