Read SEBR SÕNGO, 1998 Koɛɛg Soaba 2 Bible Online

Koɛɛg Soaba 2 - SEBR SÕNGO, 1998 bible

Koɛɛg Soaba 2

¹Mam tagsa m sũur pʋgẽ tɩ mam na n makame n maan sũ-noogo, la m bãng sũ-noog sẽn yaa-a soaba. La ade, yõwã me yaa zaalem.

²Mam yeelame tɩ laad yaa zu-kaalgo, la sũ-noog yõod yaa bõe?

³Mam yãka yam n na n noog m sũur ne reezẽ rãam, la m gũus m meng n kẽn ne yam, la m loe m meng ne yalemd ning mam sẽn maandã, n tõog n bãng ninsaalbã sẽn maand bũmb ning dũniyã zug b vɩɩmã wakatã sã n zemsame.

⁴Mam tʋma tʋʋm-kãsemse: Mam mee rot m mengã yĩnga, la m sel reezẽ tɩɩs m mengã yĩnga.

⁵Mam maana zẽed ne tɩɩs zĩisi, la m sel tɩɩs buud fãa sẽn womd biisã bãmb pʋse.

⁶Mam maana bãgs sẽn na n zãgs tɩ-poalã bõeeb zĩiga.

⁷Mam daa yem-daad la yem-pogse, ne b kamb nins b sẽn dog mam zakẽ wã. Mam daa baa rũm-bɛd ne rũm-bãooneg wʋsgo, n yɩɩd neb nins fãa sẽn deng maam n zĩnd Zeruzalɛmã.

⁸Mam paama wanzuri ne sãnem wʋsgo, yaa rĩm-dãmbã ne soolem wʋsg laogo. Mam daa pagb ne raop sẽn yaa yɩɩn-yɩɩndba, la pʋg-bi wʋsg ninsaalb kambã sẽn nonge.

⁹Woto, mam lebga kãseng n yɩɩd neb nins fãa sẽn da reng maam Zeruzalɛmã. Sẽn paase, mam yamã kell n paa ne maam.

¹⁰Bũmb ning fãa mam ninã sẽn yãnd n datã, mam ka mong-b ye. Sũ-noog ning fãa mam sũurã sẽn dag n datã, mam ka mong-a ye. Bala, mam sũur yɩɩ noog ne m tʋʋmdã fãa. La mam tʋʋmdã fãa yõod yaa a woto.

¹¹La mam tagsa tʋʋm nins fãa mam nus sẽn dag n maanã, la namsg nins fãa mam sẽn dag n namsã yelle. La ade, fãa yaa zaalem. A wẽnda wa ned sẽn digd sebgo. Bũmb sẽn tar yõod ka be dũniyã zug ye. Yam la yalemd ka võor ye.

¹²Woto kɩtame tɩ mam tags n ges yam, la zu-kaalg ne yalemd yelle. Ges-y wɛ! Ned ning sẽn na n wa reeg-a rĩmã zĩigã na n wa maana bõe? Yaa bũmb ning b sẽn dag n zoe n maanã bala.

¹³La mam yãndame tɩ yam yõod yɩɩda yalemdo, wa vẽenem yõod sẽn yɩɩd likã.

¹⁴Yam soab tara nin n getẽ, la yalem kẽnda lik bida pʋgẽ. La baa sẽn yaa woto wã, mam miime tɩ bãmb b yiibã fãa baoosg yaa bũmb a yembre.

¹⁵La mam tagsa m sũur pʋgẽ tɩ yalem baoosg sẽn yaa bũmb ningã, mam me baoosg na n yɩɩ a woto. Dẽ, mam yamã yɩɩdem nafr yaa bõe? La mam tagsa m sũur pʋgẽ tɩ yõwã me yaa zaalem.

¹⁶Bala, b ka na n tẽeg yam soab yell n yɩɩd yalem ye. La wakat n wat tɩ b na n yĩm bãmb fãa yelle. Yalmã me na n kii wa yam soab sẽn na n ki wã.

¹⁷Dẽ, mam kisga vɩɩmã, bala, tʋʋm nins fãa sẽn maand dũniyã zugã yaa wẽnse. Bala, fãa yaa zaalem, a wẽnda wa ned sẽn digd sebgo.

¹⁸Mam kisga tʋʋm nins fãa mam sẽn tʋm dũniyã zug ka wã, bala, mam na n loogame n bas-a ne ned ning sẽn na n wa reeg-a mam zĩigã.

¹⁹La ãndã n mi nin-kãng sã n na n yɩɩ yam soab wall yalma? Baoosgo, yaa yẽnda n na n soog mam tʋʋmã fãa, tʋʋm nins mam sẽn dag n tʋm ne yam dũniyã zugã. Woto me yaa zaalem.

²⁰Woto yĩnga, mam sũurã sãama ne tʋʋm nins fãa mam sẽn dag n maan dũniyã zug ka wã yĩnga.

²¹Bala, nina tʋmda ne yẽesem la bãngr la tõogre, n bas a yõodã tɩ ned a to sẽn ka maan tʋʋmdã wa rɩke. Woto me yaa zaalem, la a yaa wẽng wʋsgo.

²²Ninsaal tʋʋmdã ne a namsgã fãa dũniyã zug ka wã yõod yaa bõe?

²³Yẽnda rasmã fãa yaa sũ-sãanga. La yẽnda yɛlã fãa yaa toogo. Baa yʋngo, yẽnda sũurã ka tar vʋʋsg ye. Yõwã me yaa zaalem.

²⁴Bũmb ka be sẽn yaa noog ne ninsaal n yɩɩd a sẽn na n paam n dɩ la a yũ, n maan sũ-noog ne a tʋʋmd ye. La ne yõwã me, mam yãame t'a yita Wẽnnaam nengẽ.

²⁵Bala, ãndã n tõe n dɩ n maan sũ-noogo, sã n ka maam?

²⁶Ned manesem sã n tat Wẽnnaam yam, bãmb kõta a soab yam la bãngre, la sũ-noogo. La bãmb kõta yel-wẽn soab namsgo, t'a tʋm n wʋk n bĩng ned ning sẽn tat Wẽnnaam yamã. Woto me yaa zaalem, la a wẽnda wa ned sẽn digd sebgo.