Read SEBR SÕNGO, 1998 Koɛɛg Soaba 6 Bible Online

Koɛɛg Soaba 6 - SEBR SÕNGO, 1998 bible

Koɛɛg Soaba 6

¹Mam yãnda toog a yembr dũniyã pʋga, la a namsda ninsaala.

²Wẽnnaam kõta nina arzegse, paoongo, la ziiri, hal tɩ bũmb baa a yembr ka paoog yẽnda a sẽn datã pʋg ye. La Wẽnnaam yaool n ka kõ yẽnda pãn-tõog t'a rɩ b yõod ye. Yaa sãan n dɩt a yõodã. Woto me yaa zaalem, n yaa toog sẽn namsd ninsaala.

³Ned sã n dog kom-dibli koabga, n vɩɩmd n kaoose, baa yẽnda yʋʋmã sẽn ta to-to, a sã ka paam naar tɩ seke, la a sã n ka paam yaoogo, mam yetame tɩ sẽn dog-a kɩɩmd sũ-noog yɩɩda yẽnda.

⁴Bala, a wata zaalem la a loogda lik bida pʋgẽ, la lik bida lillda a yʋʋrã.

⁵Bala, pa-tarã ka yãnd wĩndgã n bãng bũmb yell ye. Dẽ, pa-tarã paamda vʋʋsg n yɩɩda.

⁶Baa yẽnda sã n kaoos yʋʋm tus a yiibu, yẽnda sã n ka tar sũ-noogo, bãmb fãa ka rabd zĩig a yembr la?

⁷Ninsaal tʋʋmdã fãa yaa a noorã yĩnga. La baoosgo, bũmb ka sekd yẽnda ye.

⁸Yam soab sãoo yalem ne bõe? La naong soab sẽn mi n tõe kẽn nin-vɩɩs taoorã yõod yaa bõe?

⁹Ned sẽn na n maand sũ-noog ne a sẽn tar bũmb ningã n são a sẽn tagsd n dat n paam bũmb ningã. Yõwã me yaa zaalem la a wẽnda wa ned sẽn digd sebgo.

¹⁰Bũmb ning sẽn be moasã wã rag n pĩnd n tara a yʋʋre, la b mii ninsaal sẽn yaa bũmb ninga. B miime t'a ka tõe n mao ne sẽn tar-a pãng n yɩɩd yẽnda wã ye.

¹¹Goam sã n yaa wʋsgo, gom-vɩɩd wʋsg me bee be. La a nafda ninsaal ne bõe?

¹²Dẽ wã, ãnda soab n mi sẽn yaa sõama ninsaal yĩng a vɩɩm wakate? A vɩɩm ning rasem sẽn tar sõorã, n yaa zaalem n loogd wa sulunsukã wakate? Ãnda n tõe n togs ninsaal bũmb ning sẽn na n wa zĩnd dũniyã pʋg ka yẽndã loogr poorã?