Read SEBR SÕNGO, 1998 A Ezayi 12 Bible Online

A Ezayi 12 - SEBR SÕNGO, 1998 bible

A Ezayi 12

¹Badaare, fo na n yeelame yaa: «Sẽn-Ka-Saabo, mam pʋʋsda yãmb barka. Bala, yãmb sũur dag n yika ne maam, la yãmb sũurã leb n sigame, yãmb belsa maam.

²Gese, Wẽnnaam yaa mam fãagda, mam maanda tẽebo, la m kõn zoe rabeem ye. Bala, Sẽn-Ka-Saab yaa mam pãnga, la b yaa mam pãn-kãsenga. Bãmb yaa mam fãagda.»

³Yãmb na n kẽnga fãagr bulgẽ wã n tɩ toog koom ne sũ-noogo.

⁴Badaare, yãmb na n yeelame yaa: «Pʋʋs-y Sẽn-Ka-Saab barka, bool-y bãmb yʋʋrã, n moon bãmb tʋʋm-kãsemsã nebã sʋka. La y tẽeg tɩ bãmb yʋʋrã yaa kãsenga.

⁵Yɩɩl-y n pẽg-y Sẽn-Ka-Saabo, bala, bãmb maana tʋʋm-neeba. Bɩ y kɩt tɩ dũniyã gill fãa bãng tʋʋm-bãmba.

⁶Sɩyõ tẽng nebã, kaas-y sũ-noog ne kɩdeng kaasgo! Bala, Israyɛll Pʋ-Peelem-Soabã sẽn be yãmb sʋkã yaa kãsenga!»