Read SEBR SÕNGO, 1998 A Ezayi 15 Bible Online

A Ezayi 15 - SEBR SÕNGO, 1998 bible

A Ezayi 15

¹Sɩbgr koɛɛg Moaab tẽngã yĩnga. B sãam-a-la yʋn-yɛng bala! Aar-Moaab lebga sɩddd... B sãam-a-la yʋn-yɛng bala! Kɩɩr-Moaab lebga sɩddd...

²B rabda pʋʋsg roogẽ wã ne Dibõ, la b kẽnd maoong kʋʋb zĩisẽ wã n na n tɩ yãbe. Moaab yãbd n wiisda Nebo tẽngã, ne Medba tẽngã yĩnga. Zutã fãa põngame, la toeemsã fãa wõrsame.

³Moaab tẽngã soayã zutu, nebã yeelga bot n kẽnda. La tẽngã bɛɛnd zut ne raasã pʋse, ned kam fãa yãbda nintãm n wiisd wʋsgo.

⁴Hɛsbon ne Eleyall nebã kaasdame, la b wʋmda b koees hal Yahats tẽnga. Rẽ kɩtame tɩ Moaab tãb-biisã kelemdẽ, Moaab pɛlengã yɩkame.

⁵Mam kelemda Moaab yĩnga. Neb n zoe n ta hal Soaar tẽnga, b taa hal Eglat-Selisiya tẽnga. Bala, bãmb bee Luyit tãngã rʋʋdg zugu, n kẽnd la b yãbda. Bãmb bee Horonayim tẽngã sor zug n kẽnd la b wiisd sãoongã yĩnga.

⁶Bala, Nimrim kʋɩlgã koom kʋɩɩme, tɩɩsã kʋɩɩme, mo-maasã kʋɩɩme, la yam-maas ka tol n leb n beẽ ye.

⁷Woto yĩng n kɩte, tɩ b wʋkd b paoongã sẽn ketã, b sẽn dag n tõog n bĩng laog ninsã n na n tall n kẽng Solɛɛs ko-soogã rʋʋndã.

⁸Bala, kelemsã pida Moaab soolmã gilli. Yẽnda kelemsã zẽk n tata hal Eglayiim tẽnga, a kelemsã zẽkame n tat Beer-Elim tẽnga.

⁹Dimon kʋɩlsã koom mooga ne zɩɩm. Mam na n kɩtame tɩ tood a taab leb n paam Dimonde. Mam na n tʋma gɩgemd t'a zab ne Moaab neb nins sẽn põsã, la a zab ne neb nins sẽn kell tẽngã pʋgã.