Read SEBR SÕNGO, 1998 A Ezayi 20 Bible Online

A Ezayi 20 - SEBR SÕNGO, 1998 bible

A Ezayi 20

¹Yʋʋmd ning Asiiri naab a Sargon sẽn tʋm a tãb-biis nanambs naab ningã sẽn ta Asdood tẽngã, a zaba ne Asdood tẽngã n deeg-a.

²Wakat-kãnga, Sẽn-Ka-Saab rag n goma ne a Amots biig a Ezayi n yeel-a yaa: «Kẽnge! Sẽk botã sẽn be fo sɛɛgẽ wã, la f piid f neooda wã n bas nao-zaala.» Dẽ, a Ezayi maana a woto. Yẽnda kẽna beelle, la nao-zaala.

³Sẽn-Ka-Saab yeelame: «Mam tʋmtʋmd a Ezayi sẽn kẽn beelle, la a kẽn nao-zaal to-to wã, na n yɩɩ bãnde la makr Ezɩpt ne Kuus yĩnga, yʋʋm a tãab tõre.

⁴Woto me, Asiiri rĩma na n yõga Ezɩpt nebã ne Kuus tẽng nebã n tall-b n tɩ kẽes yembdo. B na n yõga b kom-bɩɩsã ne b nin-kẽembã n kɩt tɩ b kẽn bɛɛla, la nao-zaala, tɩ b kɩgbã be yɩnga. Rẽ na n yɩɩ yãnd Ezɩpt nebã yĩnga.

⁵Dẽ, rabeem ne yãnd na n yõka neb nins sẽn dag n teeg Kuusã, la Ezɩpt sẽn dag n yaa bãmb zu-zẽkrã.»

⁶Badaare, soolem ning sẽn be koom noorã neb na n yeelame: «Ges-y bũmb ning sẽn paam tõnd sẽn dag n teeg-b rãmbã, tõnd sẽn dag n kẽngd-b rãmb nengẽ tɩ b sõngd tõnd la b fãagd tõnd Asiiri rĩmã nugẽ wã. Moasã, tõnd na n maana a wãn n põse?»