Read SEBR SÕNGO, 1998 A Ezayi 31 Bible Online

A Ezayi 31 - SEBR SÕNGO, 1998 bible

A Ezayi 31

¹Toog bee neb nins sẽn kẽnd Ezɩpt n baood sõngrã zutu. Bãmb dɩka b teegrã n teeg wiidi, b teega b saar-dãmba sẽn yaa wʋsgã, la b teeg b wed-rʋʋdbã sẽn tar pãngã, n ka wẽnemded n get Israyɛll Pʋ-Peelem-Soabã, la b ka baood Sẽn-Ka-Saab ye!

²Baoosgo, bãmb me yaool n tara yam, n tõe n kɩt tɩ toog wa. Bãmb ka lebsd b noor poorẽ ye. Bãmb zabda ne nin-wẽns yiri, la b zabd ne wẽng maandbã sõngrã.

³Ezɩpt nebã yaa ninsaalb bala, b ka Wẽnnaam ye. Bãmb wiidã yaa nemd bala, b ka sɩɩs ye. Sẽn-Ka-Saab sã n tẽeg b nugã bala, sẽn wat-a n na n sõngã lakd n lʋɩɩme, b sẽn sõngd a soabã na n lʋɩɩme, la bãmb fãa na n naaga taab n sãame.

⁴Bala, Sẽn-Ka-Saab yeela maam yaa: «Wa gɩgemde, la wa gɩgem-poll sẽn yõkd rũng n gãe n wũundẽ, tɩ baa pe-kɩɩmbã sã n boond taab la b kelemd n dat n zab ne-a bɩ a ka yɛɛsdẽ wã, la baa bãmb wʋsg sã n bugsd-a bɩ rabeem ka tar-a wã, woto me, Saasẽ-Pãng-Soabã na n siga Sɩyõ tãngã ne kunkubrã zug n zabe.»

⁵Liuuli sẽn yɛdgd b pɩgs to-to wã, woto me, Saasẽ-Pãng-Soabã na n kogla Zeruzalɛm. Bãmb na n sõng-a lame la b fãag-a, b na n kogl-a lame la b gũ-a.

⁶Israyɛll nebã, lebg-y n wa-y yãmb sẽn kɩɩs a soab wʋsgã nengẽ!

⁷Badaare, yãmb ned kam fãa na n basa a wanzuri wẽn-naandsã ne a sãnem wẽn-naandsã sẽn yaa yãmb nusã sẽn pid ne yel-wẽnã sẽn maanã.

⁸Zabr sʋʋg sẽn ka ninsaalb rẽnd n na n kʋ Asiiri nebã, yaa zabr sʋʋg sẽn ka ninsaal sʋʋg n na n sãam-ba. Bãmb na n zoeeme n dat n põs zabr sʋʋga. La b na n kẽesa bãmb kom-bɩɩsã tʋʋm-wɛgl pʋga.

⁹Rabeem na n yõka bãmb pĩigã t'a zoe, la yẽnda nanambsã na n yɛɛsame n zoe n bas b tãb-kaoorã. Yaa Sẽn-Ka-Saab n yeele. Bãmb bugmã bee Sɩyõ la b wʋngã bee Zeruzalɛm.