Read SEBR SÕNGO, 1998 A Zeremi 45 Bible Online

A Zeremi 45 - SEBR SÕNGO, 1998 bible

A Zeremi 45

¹Wakat ning a Neriya biig a Baruk sẽn wa n gʋlsd goam nins Wẽnnaam no-rɛɛs a Zeremi sẽn dag n togsd yẽnda wã sebr zugu, rẽ tɩ yaa a Zoziyaas biig a Yoyakim sẽn yaa Zʋʋda rĩmã sẽn deeg a naamã tɩ yʋʋm-naaslẽ. Dẽ, Wẽnnaam no-rɛɛs a Zeremi yeela a Baruk yaa:

²«Ad Sẽn-Ka-Saab sẽn yaa Israyɛll Wẽnnaamã sẽn yet foom a Baruk wɛɛngẽ:

³‹Fo yetame: Kayto! Toog bee mam zugu! Sẽn-Ka-Saab kõo maam toog n paas m yɩɩrã. Mam pãng sɛɛme, m sidgrã yĩnga, la m ka tar vʋʋsg ye!› »

⁴Sẽn-Ka-Saab yeela a Zeremi t'a yeel a Baruk yaa: «Beneere, mam siigda bũmb ning m sẽn dag n me wã, la m võogda bũmb ning m sẽn dag n selã. Bõn-kãng na n yɩɩ tẽngã gill fãa pʋgẽ.

⁵La foom, fo baood n maana bõn-kãsemse! Da bao bõn-kãens ye! Bala, mam kɩtame tɩ toog na n paam ninsaalbã buud fãa, la m na n gũu fo vɩɩmã zĩig ning fãa fo sẽn na n kẽngẽ. Maam a Sẽn-Ka-Saab n yeele.»