Read SEBR SÕNGO, 1998 A Zeremi wiisgu 3 Bible Online

A Zeremi wiisgu 3 - SEBR SÕNGO, 1998 bible

A Zeremi wiisgu 3

¹Mam yaa soab ning sẽn paam namsgo, bãmb sũ-yikr da-saarã pãb a soabã.

²Bãmb taee maam, n tall maam n kẽng lik pʋgẽ, la ka vẽenemẽ ye.

³Sɩdã, bãmb zẽkda b nug naoor wʋsg n namsd maam wĩntoog tɛka.

⁴Bãmb kɩtame tɩ mam yĩngã ne m gãongã zelge, la bãmb kaoo mam kõaba.

⁵Bãmb sẽbga maam n gũbg maam ne zẽnem-toaaga, la ne namsgo.

⁶Bãmb zĩndga maam lik pʋgẽ wa neb nins sẽn ki hal daar zãra.

⁷Bãmb mee lalg n gũbg maam tɩ mam ka tõe n yi ye. Bãmb balga maam ne bãens sẽn yaa zɩsgo.

⁸La mam sã n zẽk m koɛɛg n kos sõngre, bãmb yẽta b tʋb mam pʋʋsgã yĩnga.

⁹Bãmb mee kug n gɩd mam sorã. Bãmb kɩtame tɩ m tek sore.

¹⁰Bãmb yɩɩ wa rigd-n-yĩidg sẽn sor mam yĩnga, wa gɩgemd sẽn sor n gũudẽ.

¹¹Bãmb kɩtame tɩ mam bʋdg n bas m sore, bãmb zendma maam. Bãmb kɩtame tɩ vɩɩmã sãame.

¹²Bãmb yãaga b tãpã mam yĩnga, n tees maam n na n tão ne b peemdã.

¹³Bãmb kɩtame tɩ b lokã pɛɛm vʋdg maam n kẽ m sũ-zulmẽ wã.

¹⁴Mam nebã fãa laada maam, bãmb dɩka maam tɩ m lebg bãmb yɩɩlle.

¹⁵Bãmb tɩgsa maam ne bõn-toodo. Bãmb yũnuga maam zẽnem-toaaga.

¹⁶Bãmb kaoo mam yẽn ne kug bãoonego. Bãmb taba maam tompeglem pʋga.

¹⁷Yãmb kɩtame tɩ vɩ-bãan zãag ne maam. Mam yĩma naar yelle.

¹⁸Mam yeelame tɩ m ka leb n tar tẽeb ne beoog neer ye. Mam ka leb n tẽed tɩ Sẽn-Ka-Saab na n sõnga maam ye.

¹⁹Bɩ y tẽeg mam namsgã ne m yeebgã yelle, mam zẽnem-toaagã ne m zẽnemã yelle.

²⁰Mam ket n tẽegda b yell wakat fãa. La mam yam bondga m pʋgẽ.

²¹Ad bũmb ning mam sẽn tagsd m sũurẽ. Yaa rẽ n kɩt tɩ mam maand tẽebo.

²²Sẽn-Ka-Saab nonglmã ka sɛte, la bãmb nimbãan-zoeerã ka tar tɛk ye.

²³Yibeoog fãa, bãmb leb n lebgda paalse. Yãmb sɩdã yaa kãsenga.

²⁴Mam yetame: «Sẽn-Ka-Saab yaa mam pʋɩɩre. Yaa rẽ n kɩt tɩ mam maand tẽeb ne bãmba.»

²⁵Sẽn-Ka-Saab maanda neb nins sẽn teeg bãmbã la b baood bãmbã neere.

²⁶Ned sã n sĩnd bal n gũud Sẽn-Ka-Saab fãagre, yaa neere.

²⁷Yaa neer tɩ rao fãa zãms tɩ tʋk a bi-bɩɩlem wakat yubl-balgre.

²⁸Bɩ a zĩnd a yembr bal n sĩnd sɩddd... Bala, b ratame tɩ yɩ a woto.

²⁹Bɩ a ning a noor wubsg pʋgẽ tɩ daar ninga, a na paam sõngre.

³⁰Bɩ yẽnda wẽnemd a yɛgdg n kõ sẽn wẽed-a yẽnda pɛkã. Bɩ a sak tɩ paoogr sek-a.

³¹Bala, Zu-soabã ka basd ned zãng n ka leb n bao zĩig ye.

³²Bãmb sã n kõ ned sũ-sãanga, bãmb zoeta a soab nimbãaneg wa sẽn zems bãmb nonglem-kãsengã.

³³Bala, bãmb ka namsd ninsaalbã n kõt b sũ-sãang ne yamleoog ye.

³⁴B sã n tab tẽngã neb nins sẽn be-b bi-bees roogã fãa ne naoã,

³⁵la b bʋ ned bʋʋd kegr Sẽn-Ka-To nifẽ,

³⁶la b sã n maan ned pãng a bʋʋd kaood wakate, Zu-soabã ka ne bõn-kãng sɩda?

³⁷Ãnda n na n yeel tɩ bũmb maan t'a sɩd maane, tɩ sã n ka Zu-soabã n kõ noore?

³⁸Rẽ yĩnga, tood ne noog fãa ka yit Sẽn-Ka-To nengẽ la?

³⁹Yaa bõe tɩ nin-vɩɩg yẽgemdẽ? Bɩ ned kam fãa yẽgem a meng yel-wẽn yĩnga.

⁴⁰D tags d soayã yelle, la d fees-ba, n lebg n leb Sẽn-Ka-Saab nengẽ.

⁴¹Bɩ tõnd zẽk d sũyã ne d nusã n tees Wẽnnaam sẽn be yĩngrã n yeele:

⁴²Tõndo, tõnd wegmame n kɩɩs yãmba, la yãmb ka kõ tõnd sugr ye.

⁴³Yãmb luda y meng ne y sũ-puugrã pʋgẽ n dig tõndo. Yãmb kʋʋme, n ka bas ned ba a yembr tɩ põs ye.

⁴⁴Yãmb pila sawaodg tɩ ned pʋʋsg ka tõe n pɩʋʋg n ta yãmb nengẽ ye.

⁴⁵Yãmb gesa tõnd wa sagdo, yãmb kɩtame tɩ tõnd lebg paoogr bũmb buudã fãa sʋka.

⁴⁶Tõnd bɛɛbã fãa yaagda b noy n gomd tõnd wẽnga.

⁴⁷Tõnd pʋɩɩrã lebga yɛɛsgo la boko. Yaa zɛɛbo, la sãoongo.

⁴⁸Mam nintãmã raagda wa kʋɩlg ko-zoetem mam buudã sẽn yaa mam nin-nongdsã sãoong yĩnga.

⁴⁹Mam ninã pida ne nintãm wakat fãa n ka sɛt ye, la vʋʋsg me ka be ye.

⁵⁰Hal tɩ Sẽn-Ka-Saab sẽn be saasẽ wã sulg n yãnde.

⁵¹Mam ninã zabdame, mam tẽngã kom-pugli wã fãa yellã yĩnga.

⁵²Neb nins sẽn dɩt beem ne maam zaalmã rigda maam wa liuul n ka basdẽ ye.

⁵³Bãmb sagla maam bok pʋgẽ vɩɩga, la bãmb loba maam ne kuga.

⁵⁴Koomã lima mam zugu la mam yeelame: «Mam kiime.»

⁵⁵Sẽn-Ka-Saabo, mam sẽn be hal bokã zĩ-zulumsẽ wã, mam boola yãmb yʋʋrã.

⁵⁶Yãmb wʋma mam sẽn yeel yãmb tɩ y ra yẽd-y y tʋb ne mam sirã la ne mam kɛlengã ye.

⁵⁷Daar ning mam sẽn kos yãmbã, yãmb kolga maam n yeel tɩ m da zoe rabeem ye.

⁵⁸Zu-soaba, yãmb sõnga maam ne m bʋʋdã yelle. Yãmb fãaga mam vɩɩm.

⁵⁹Sẽn-Ka-Saabo, yãmb yãnda b sẽn maan maam wẽngã. Bɩ y kao m bʋʋdã tɩrg n kõ-ma.

⁶⁰Yãmb yãnda bãmb sẽn dok b sũur ne maam to-to wã. Yãmb yãnda bãmb fãa sẽn saagd saagr ning n dat n maan maam wẽngã.

⁶¹Sẽn-Ka-Saabo, yãmb wʋma bãmb paoogr goamã la bãmb sẽn yẽsd ne taab n dat n maan maam bũmb ningã.

⁶²Yãmb wʋma mam bɛɛbã goamã la bãmb sẽn tagsd daar fãa n dat n maan maam bũmb ningã.

⁶³Ges-y-yã, bãmb sã n zĩẽ wall b sã n yasẽ, maam n lebg b yɩɩlle.

⁶⁴Sẽn-Ka-Saabo, yãmb na n yaoo bãmb wa sẽn zems b nusã tʋʋmã.

⁶⁵Yãmb na n diglma bãmb sũyã, la y kɩt tɩ kãab-wẽng sig bãmb zutu.

⁶⁶Sẽn-Ka-Saabo, yãmb na n diga bãmb ne sũ-puugri, n sãam bãmb tɩ b ra leb n zĩnd yãmb saasã tẽngr ye.